دەنساۋلىق: ادام اعزاسىنا اسقاباقتىڭ پايداسى قانداي؟
اسقاباق، كوكونىس پە، جيدەك پە؟
وتە قىزىق، اسقاباق كوكونىس قاتارىنا جاتپايدى. ويتكەنى، قاۋىن، قاربىز جانە اسقاباق جيدەك سانالادى ەكەن. ال جيدەكتىڭ تاعامدىق قۇنارى مول ەكەنى بارشاعا بەلگىلى. سونىمەن، اسقاباق تۋرالى نە بىلەمىز؟
تاڭداعاندا سالماعى 3-5 كەلىگە جەتەتىن اسقاباقتى العان ءجون. مۇنداي سالماق اسقاباق ءۇشىن قالىپتى سانالادى. سونىمەن قاتار، قابىعى جۇقا، ال ۇلپاسى قالىڭ بولادى.
ونىڭ ۇستىنە، ۇلپانىڭ پايداسى وتە زور ءارى ءدانى دە قۇنارلى. اسقاباقتى ءجيى پايدالانۋ ىشەكقۇرتتاردان قۇتىلۋعا كومەكتەسەدى. ەر ادامداردىڭ دەنساۋلىعى ءۇشىن ءدانى دە وتە پايدالى. پروستاتيت سەكىلدى اۋرۋلاردى ەمدەۋ ءۇشىن دە قولدانىلادى.
داۋرمەندەر مەن ميركوەلەمەنتتەر
اسقاباق ءدانىنىڭ تاعى قانداي پايداسى بار؟ اسقاباق ۇلپاسىندا پايدالى دارۋمەندەر مەن ميكروەلەمەنەتتەردىڭ كوپ مولشەرى كەزدەسەدى. مىسالى، ە، ۆ جانە رر دارۋمەندەرىن كەز كەلگەن جەمىس- جيدەكتەردەن تابا الاسىز. ال ك جانە ت دارۋمەندەرىن كەزدەستىرۋ قيىنداۋ. ك دارۋمەندەر توبى قاننىڭ قويۋلانىپ قالماۋىن رەتتەيدى.
الەم ديەتولوگتارى ارتىق سالماقپەن كۇرەسەتىن ادامدارعا اسقاباق جەۋدى ۇسىنادى. ارىقتاۋ ءۇشىن بۇل جيدەك تاپتىرمايتىن قۇرال. ويتكەنى، اسقاباقتا زات الماسۋدى جىلدامداتاتىن ءارى اس قورىتۋدى جاقسارتاتىن ت دارۋمەنى بار. سوندىقتان، اسقاباقتى ەت تاعامدارىنا ارنالعان ەڭ ۇزدىك گارنير دەۋگە تولىق نەگىز بار.
اسقاباق شىرىنى
اسقاباقتان دايىندالعان شىرىننىڭ پايداسى وتە زور. اسىرەسە، قان ازدىققا قارسى كەرەمەت ەم. ويتكەنى، شىرىن قۇرامىندا تەمىردىڭ مولشەرى وتە كوپ. سونداي- اق، اسقاباق ۇلپاسىندا كالتسيي مەن كاليي وتە كوپ. كاروتين كولەمى دە اسقاباقتا سابىزگە قاراعاندا جوعارى. سول سەبەپتى، كوزى ناشار كورەتىن ادامدارعا اسقاباق شىرىنىن ۇسىنۋعا بولادى.
اسقاباق شىرىنى بۇيرەك، باۋىر جانە قۋىق قالبىرشاعى ءۇشىن ەم. بۇل ءۇشىن اسقاباقتى شيكىلەي جەگەن دۇرىس. ەگەر ول ءدامسىز كورىنسە، قايناتىپ الىڭىز.
ايتا كەتۋ كەرەك، اسقاباق ۇلپاسىندا كاليي تۇزى بار. ءىش ءوتىپ اۋىرعاندا دا اسقاباق شىرىنىن ىشۋگە كەڭەس بەرەدى.
بالالار ءۇشىن
ەمشەكتەگى سابيلەر ءۇشىن اسقاباقتان ءدامدى پيۋرە دايىنداۋعا بولادى. ال قىزىل تۇستەگى زاتتار بالالاردىڭ اللەرگياسىن قوزدىرادى دەپ ويلاۋدىڭ قاجەتى جوق. بۇل دۇرىس ەمەس. بۇل جيدەك ەشقاشان اللەرگيا شاقىرعان ەمەس. سوندىقتان، ەمشەكتەگى سابيلەر ءۇشىن اسقاباق پايدالى ءارى ءدامدى تاعام. اسقاباق قۇرامىنا جاسۇنىق، ا پرودارۋمەنى جانە پەكتيندى زاتتار ەنەدى. اسقاباقتان پيۋرە جاساپ قانا قويماي، شىرىنىن بەرسەڭىز دە بولادى. اسقاباق شىرىنى ءسابىز نەمەسە الما شىرىنىمەن كەرەمەت ۇيلەسىم تابادى.
بالعىن اسقاباقتان دايىندالعان بوتقا ەمدىك قاسيەتتەرگە باي. سوندىقتان، تەرى اۋرۋلارىنا ەمدەۋگە كوپ پايدالانادى.
جاتار الدىندا بالمەن ارالاسقان ءبىر ستاكان اسقاباق شىرىنىن ىشسەڭىز، ۇيقىڭىز تىنىش بولادى.
فوتو: © specialityproduce.com
كەرەك كەڭەس ينتەرنەتتەن الىندى.
