عالىمدار پلاستيك قۇتىداعى سۋدىڭ بەلسىزدىككە ۇشىراتاتىنىن مالىمدەدى
بۇل تۋرالى Vista News پورتالى حابارلادى دەپ جازادى ras.kz.
«جاسىل قۇرلىقتىڭ» وقىمىستىلارى مۇنداي قۇتىداعى سۋلاردىڭ زالالى ادامنىڭ ءبىرقاتار قاتەرلى اۋرۋ-سىرقاۋلارعا دۋشار ەتۋگە الىپ باراتىنىن ايتىپ وتىر. اتاپ ايتقاندا، پلاستيكا ءوندىرىلىپ جاتقاندا وعان بيسفەنول- ا توكسينى پايدالانىلادى، ۋاقىت وتە كەلە سول توكسين سۋدىڭ قۇرامىنا ەنەدى.
زەرتتەۋشىلەردىڭ ايتۋلارىنشا، وسى زاتتىڭ ۇلكەن كونسەنتراتسياسى بەلسىزدىك- بەدەۋلىك پەن جۇرەك-قان تامىرلارى جۇيەسىنىڭ پاتولوگياسىن تۋعىزادى. بۇدان بولەك، بۇل توكسيندى ءىشۋ سەمىزدىككە، گورمونالدى فوننىڭ بۇزىلۋى مەن باس اۋرۋىنىڭ پايدا بولۋىنا جەتكىزۋى ىقتيمال.
وسى زەرتتەۋ اۆتورالارىنىڭ ءبىرى كريس ۋيندەردىڭ مالىمدەۋىنشە، عالىمدار مۇنى انىقتاۋ ءۇشىن ەرىكتىلەردىڭ زارلەرى قۇرامىنان بيسفەنول- ا توكسينىن ىزدەستىرگەن. ناتيجەسىندە ول زەرتتەلگەندەردىڭ 95 پايىزىنىڭ ورگانيمزدەرىنەن تابىلعان. بۇلاردىڭ اراسىندا ەكىقابات ايەلدەر مەن بالالار دا بولعان.
زەرتتەۋشىلەر سونداي-اق بوتەلكەگە قۇيىلعان سۋدان ءتورت كۇن باس تارتقاننان كەيىن قان قۇرامىنداعى توكسين كونسەنتراتسياسىنىڭ 66 پايىزعا تۇسىرۋگە بولاتىنىن ايتادى.
