قازاقستاندىق كاسىپقوي بوكسشى الماتىدا جەكپە- جەك وتكىزەدى

ايدوس ەربوسىن ۇلى 2015 -جىلى كاسىپقوي بوكسقا اۋىسقان ەدى. وسىعان دەيىن ەكى جەكپە- جەك وتكىزىپ، ەكەۋىن دە مەزگىلىنەن بۇرىن اياقتاعان بولاتىن. 72,6 كەلى سالماق دارەجەسىندە شارشى الاڭعا شىعاتىن وتانداسىمىز 30 -قاڭتار كۇنى رەسەيلىك دميتريي انتيپوۆپەن جۇدىرىقتاسادى. ول وسىعان دەيىن 10 كەزدەسۋ وتكىزىپ، تورتەۋىندە عانا جەڭىسكە جەتكەن. 6 جەكپە- جەگىندە جەڭىلىس تاپقان.

ايدوس ەربوسىن ۇلى مەن دميتري انتيپوۆ اراسىنداعى جەكپە- جەك 6 راۋندقا جوسپارلانعان. الماتىداعى وتەتىن ورنى حابارلانعان جوق.

ايتا كەتەيىك، قازاقستاندىق بوكسشىنىڭ كاسىپقوي رينگتەگى جەكپە-جەكتەرىن "Fight Promotions" پروموۋتەرلىك كومپانياسى ۇيىمداستىرادى. بۇگىندە بۇل كومپانيا كەلىسىمشارتى بويىنشا قازاقستاندىق تاعى ءبىر بوكسشى داۋرەن ەلەۋسىنوۆ تە كاسىپقوي بوكس ارەناسىندا باق سىناپ ءجۇر.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى