كاسپيلىك حالىقارالىق كولىك مارشرۋتى قىتاي، قازاقستان، ازەربايجان، گرۋزيا، تۇركيا جانە ودان ءارى ەۋروپاعا وتەدى
«ازەربايجان تەمىر جولى» ج ا ق باسشىسى دجاۆيد گۋربانوۆ، «قازاقستان تەمىر جولى» ا ق باسشىسى اسقار مامين، گرۋزين تەمىر جول باسشىسى مامۋكا باحتادزە مەن «ۋكراينا تەمىر جولى» ا ق باسقارماسى ءتوراعاسىنىڭ مىندەتىن اتقارۋشى الەكساندر زاۆگورودني حاتتاماعا قول قويدى. شاراعا باكۋ حالىقارالىق ساۋدا تەڭىز پورتىنىڭ باس ديرەكتورى تالەح زيادوۆ، ازەربايجان كاسپي تەڭىز كەمە شارۋاشىلىعى باسشىسى راۋف ۆەليەۆ قاتىستى.
قۇجات ترانس كاسپي مارشرۋتى بويىنشا جۇك تاسىمالىنا باسەكەگە قابىلەتتى جەڭىلدىك تاريفتەرىن بەلگىلەۋدى، پويىزدار قوزعالىسىن وڭايلاتۋ بويىنشا كەشەندى شارالار جۇرگىزۋدى، جۇك اينالىمىن ۇلعايتۋدى كوزدەيدى.
«تاراپتار بۇل ۇسىنىستى پىسىقتاۋدا. اقپان ايىنىڭ ورتاسىنا قاراي قازاقستان، ازەربايجان، گرۋزيا جانە ۋكراينا اۋماقتارى ارقىلى قىتايدان ەۋروپاعا جۇك تاسىمالداۋ ءۇشىن ءبىرىڭعاي تاريفتىك ساياسات كەلىسىلۋى ءتيىس. حاتتاماعا قول قويۋ ۋكراينا جانە پولشا شەكاراسىنداعى يزوۆ ستانساسىنان قازاقستان مەن قىتاي شەكاراسىنداعى دوستىق ستانساسىنا دەيىن جاڭا مارشرۋت اشۋدى قامتىماق»، - دەدى د. گۋربانوۆ.
«قازاقستان تەمىر جولى» ا ق پرەزيدەنتى اسقار مامين سوزىندە 2020-جىلعا دەيىن ترانس كاسپي كولىك ءدالىزى بويىنشا جۇك تاسىمالداۋ كولەمى 300 مىڭ كونتەينەردى قۇرايتىنىن اتاپ ءوتتى. «قۇجاتقا قول قويۋ ءتورت ەلدىڭ ءار قايسىسىنا تابىس اكەلەدى. وسى باعىتتا جۇك تاسىمالداۋ ماڭىزدى جانە بارلىعى ءۇشىن ءتيىمدى»، - دەپ سانايدى ول.
بۇدان بۇرىن 15- قاڭتاردا يليچيەۆسكتەن ۋكراينا-گرۋزيا-ازەربايجان-قازاقستان-قىتاي مارشرۋتى بويىنشا (كاسپي جانە قارا تەڭىز ارقىلى) كونتەينەرلىك پويىزدىڭ تەستىلىك رەيسى شىعاتىنى حابارلانعان.
ترانس كاسپيلىك حالىقارالىق كولىك مارشرۋتى قىتاي، قازاقستان، ازەربايجان، گرۋزيا، تۇركيا جانە ودان ءارى ەۋروپاعا وتەدى. شىحىزى (قىتاي) - دوستىق - اقتاۋ - اليات باعىتى بويىنشا جۇرەتىن العاشقى تەستىلىك كونتەينەرلىك پويىز باكۋ حالىقارالىق تەڭىز ساۋدا پورتىنا ءۇشىنشى تامىزدا كەلدى.
