ابەل سانچەس: ءبىر-ەكى اپتادان كەيىن گولوۆكين دجونسون نەمەسە سوندەرسپەن جۇدىرىقتاسۋعا دايىندىقتى باستايدى
- وزدەرىڭىز بىلەسىزدەر، وكىنىشكە قاراي، بۇل بيزنەس بارلىعى تەك اقشا ءۇشىن جاسالاتىن دارەجەگە جەتتى، ال ۇزدىكتەرگە قارسى ايقاس وتكىزىپ، ءوزىن سىناپ كورۋگە ەشكىمنىڭ قۇلقى بايقالمايدى.
سوندەرس پەن ۋوررەننىڭ دە كوزقاراسىن تۇسىنەمىن. بۇگىندە بىزدە مىندەتتى ۇمىتكەر بار، ءبىز تۋرەانو دجونسونمەن ايقاس وتكىزۋدى ءجون سانايمىز. ونىڭ IBF اتاعىنا تالاسۋعا قۇقىعى بار. ارينە، سوندەرسپەن ايقاسقا شىقساق تا، مىندەتتى قورعاۋدى كوزىر ەتىپ، ونى قانداي دا ءبىر مەرزىمگە ۇزارتار ەدىك. كىم بولسا دا، قارسىلاس انىقتالسا، ءبىز زالعا بارىپ، دايىندىق جۇرگىزۋگە ءازىرمىز.
ءبىز كەزدەسۋ ۋاقىتىن 23- ءساۋىر دەپ بەلگىلەدىك. ءبىر-ەكى اپتادان كەيىن گولوۆكين لاگەرگە كەلىپ، تۋرەانو نەمەسە بيللي دجوعا قارسى ايقاسقا دايىندىققا كىرىسەدى. ولار ەكەۋى دە مىقتى بوكسشىلار، بۇل گولوۆكيننىڭ كەزەكتى جۇلدىزدى ءساتى بولماق.
