دەنساۋلىق: ارىقتاۋعا ارنالعان كەپتىرىلگەن جەمىستەر: ءدامدى ءارى پايدالى

ديەتا ۇستاعان ادامنىڭ اس مازىرىنە كەپتىرىلگەن جەمىستەر اۋاداي قاجەت. ويتكەنى، كەپتىرىلگەن جەمىستەردە تابيعي ميكروەلەمەنتتەر مەن دارۋمەندەر مول. ال كەپتىرىلگەن جەمىستەردى ارىقتاۋ ءۇشىن قولدانۋعا بولاتىنىن بىلەسىز بە؟

كەپتىرىلگەن جەمىستەردىڭ قۇرامىندا قانت بار ءارى كالوريالى. ءبىراق، كۇنىنە از-كەم كەپتىرىلگەن جەمىس جەۋ ارقىلى ءسىزدىڭ قارنىڭىز اشپايدى.

كەپتىرىلگەن جەمىستەردىڭ قانداي ەرەكشەلىگى بار؟

ەڭ الدىمەن، اتالعان جەمىستەردە بوياعىش زاتتاردىڭ بولمايتىنىن ايتۋ كەرەك. ادام دەنساۋلىعىنا زياندى حيميالىق قوسپالار مەن وزگە دە زاتتاردى (تەك ارىقتاۋعا عانا ارنالماعان) كەپتىرىلگەن جەمىستىڭ قۇرامىنان كورمەيسىز. سونداي-اق، ساحاروزانىڭ دا كولەمى كوپ ەمەس، كەرىسىنشە گليۋكوزا مەن فرۋكتوزا مول. تاعى ءبىر قىزىعى، جەمىس كەپكەن سايىن ونىڭ قۇرامىندا گليۋكوزا مەن فرۋكتوزا كوبەيە بەرەدى. سونىمەن قاتار، كەپكەن جەمىستە دارۋمەندەر مەن ميكروەلەمەنتتەردىڭ تۇتاستاي ساقتالاتىنىن ۇمىتپاعان ءجون.

ديەتولوگتاردىڭ مىنا ءبىر كەڭەسىنە دە قۇلاق تۇرمەۋگە بولمايدى. كەپتىرىلگەن جەمىستى اسىقپاي شايناپ، كەيىن ءبىر ستاكان سۋ ىشسەڭىز، كوپكە دەيىن قارنىڭىز اشپايدى. ەندى كەپتىرىلگەن جەمىستەردىڭ نەگىزگى تۇرلەرىنە توقتالىپ وتەلىك.

قارا ورىك

قارا ورىك اس قورىتۋعا كومەكتەسىپ، دۇرىس ارىقتاۋعا سەپتىگىن تيگىزەدى. قارا ورىكتىڭ ارتىقشىلىعى - ىشەك جولدارىنىڭ جۇمىسىن جاقسارتاتىن اس تالشىقتارىنا باي. بۇل ادام اعزاسىنىڭ شلاكتار مەن زاردەن تەز تازارۋىنا اكەلەدى.

ودان بولەك، قارا ورىكتى ءجيى پايدالانۋ دەپرەسسياعا قارسى تۇرۋعا كومەكتەسەدى. ماسەلەن، ءسىز ديەتا ۇستاپ ءجۇرسىز. سوندىقتان، سترەسستە دە بولۋىڭىز مۇمكىن. بۇل سترەسس ودان ءارى دەپرەسسياعا ۇلاسپاۋ ءۇشىن قارا ورىكتى جەپ تۇرىڭىز.

كەپتىرىلگەن ورىك

كەپتىرىلگەن ورىك قىرىققا تولعان ايەل ادامنىڭ اس مازىرىنەن تۇسپەۋى كەرەك. سەبەبى، ول سۇيەكتى وستەوپوروزدان قورعايدى. سونداي-اق، جۇرەگى اۋىراتىن، نەسەپ ايداعىش ءدارى قابىلدايتىن ادامدار ءۇشىن دە كەپتىرىلگەن ورىكتىڭ پايداسى زور. ويتكەنى، اتالعان دارىلەر ادام اعزاسىنداعى پايدالى تۇزداردى شايىپ الىپ كەتەدى. ال بۇل دەنساۋلىققا زيان. كەپتىرىلگەن ورىكتى ۇنەمى پايدالانساڭىز، اعزاداعى ماگني، كالتسي، كاليدى ارتتىرۋعا بولادى.

قۇرما

ديەتا ۇستاعاندا قۇرمانىڭ ءرولى قارا ورىك نەمەسە كەپتىرىلگەن ورىك سەكىلدى ۇلكەن ەمەس. ويتكەنى، اتالعان جەمىستەرمەن سالىستىرعاندا، قۇرما تاتتىرەك. سوندىقتان، تەز تويىپ قالاسىز. ديەتا كەزىندە ءسىزدىڭ كۇشىڭىز ازايىپ، السىزدەنەتىن كەزىڭىز كوپ بولادى. سول كەزدەردە قۇرما جەگەن دۇرىس. سەبەبى، قۇرمانىڭ قۇرامىنداعى В5 دارۋمەنى ءسىزدىڭ جۇمىسقا دەگەن قابىلەتىڭىزدى ارتتىرىپ، بەلگىلى ءبىر دەڭگەيدە ميدىڭ جۇمىسىن جاقسارتادى.

ءبىر سوزبەن ايتقاندا، ەگەر ءسىز ىسكەر ءارى بەلسەندى ادام بولساڭىز، قۇرما سىزگە كومەكتەسەدى. تاعى ءبىر قىزىقتى دەرەكتى ايتا كەتكەن ءجون. پيراميدالاردى سالۋ كەزىندە مىسىرلىقتار قۇرمانى كوپ جەگەن. ەندى قۇرمانىڭ ادام ازعاسىنا پايداسى مول ەكەنىن بىلە جۇرەسىزدەر دەپ ويلايمىن.

مەيىز

كوپ جاعدايدا مەيىزدى كەپتىرىلگەن پوليۆيتامين دەپ اتايدى. سوندىقتان، كەپتىرىلگەن جەمىستىڭ بۇل ءتۇرى اعزاعا وتە پايدالى. ويتكەنى، مەيىزدىڭ قۇرامىندا كوپتەگەن دارۋمەندەر مەن ميكروەلەمەنتتەر بار. ودان بولەك، مەيىز قۇرامىندا يود وتە مول سانالادى. ال ديەتا كەزىندە يودتىڭ قالقانشا بەزگە اسا قاجەت ەكەنىن ۇمىتپاڭىز. كۇن سايىن كەپتىرىلگەن ءجۇزىم جەۋ شاشتىڭ قاتايۋىنا اسەر ەتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى