تۇركيا مەن و ق و كاسىپكەرلەرى بىرلەسىپ جۇمىس جاساماق
اتالعان كومپانيالار مەديتسينا، قارۋ-جاراق، ماشينا جاساۋ جانە وزگە دە وندىرىستەر سالاسىندا قولدانىلاتىن نازىك جانە ءدال بولشەكتەردى جاساپ شىعارۋمەن اينالىسادى. ساپاردىڭ باستى ماقساتى - ءوڭىردىڭ ينۆەستيتسيالىق مۇمكىندىكتەرىمەن تانىسىپ، جەرگىلىكتى كاسىپكەرلەرمەن بايلانىس ورناتۋ. تۇرىك كاسىپكەرلەرى وبلىس اكىمىنىڭ ورىنباسارى س. تۇياقبايەۆپەن كەزدەسىپ، ايماققا ينۆەستيتسيالاۋ مۇمكىندىگى مەن بىرلەسكەن جوبالار قۇرۋدىڭ جايىن تالقىلادى. دەلەگاتتار «Karlskrona» جانە «دەزفۋمەكس» كومپانيالارىنىڭ وندىرىسىمەن تانىسىپ، جەرگىلىكتى كومپانيالارمەن قۇيۋ وندىرىسىندە بىرلەسە جۇمىس ىستەۋگە دايىن ەكەندىكتەرىن ءبىلدىردى. و ق و- عا ساپارى كەزىندە كاسىپكەرلەر «وڭتۇستىك» جانە «قازاق-تۇرىك» يندۋستريالدى ايماعىنىڭ جۇمىسىمەن تانىستى.
