مايلى تاعام ەستە ساقتاۋ قابىلەتىنە كەرى اسەر ەتەدى - عالىمدار
زەرتتەۋ جۇرگىزگەن امەريكانىڭ تەحاس ۋنيۆەرسيتەتىنىڭ عالىمدارى وسىنداي توقتامعا كەلدى.
زەرتتەۋشىلەر مايلى تاعامنىڭ سالدارىن انىقتاۋ ءۇشىن تىشقاندارعا ءۇش اي تاجىريبە جۇرگىزگەن. وسىلايشا مايلى تاعامدار بەرىلگەن كەمىرۋشىلەردىڭ ەستە ساقتاۋ قابىلەتى ناشارلاي تۇسكەن.
ولاردا جادىنىڭ نەگىزگى ورتالىعى سانالاتىن - گيپپوكامپ نەيروندارىنىڭ بەلسەندىلىگى تومەندەگەنى بايقالدى، دەپ جازادى رەسەيلىك «ناۋكا ي جيزن» جۋرنالى.
تىشقاندار ويىنشىقتار ورنالاستىرىلعان قوراپقا جىبەرىلگەن. كەمىرگىشتەر اينالاسىنا بويى ۇيرەنگەسىن ويىنشىقتاردىڭ ورنالاسۋ رەتى اۋىستىرىلعان.
مايلى تاعام بەرىلگەن كەمىرۋشىلەر ويىنشىقتىڭ جاڭا ورنىن وزگەلەرگە قاراعاندا ناشار ەستە ساقتاعانى بەلگىلى بولدى.
سونىمەن قاتار، تاجىريبە جاسالعان جانۋارلاردا 2- ءتيپتى ديابەت بەلگىلەرى پايدا بولعان. ياعني، تىندەردە ينسۋلينگە سەزىمتالدىق ازايىپ، ولار قاننان گليۋكوزانى اجىراتا الماي قالادى.
