ۇرپاق ساناسىنا سىڭىرىلگەن وعاش ۇعىم
«سوتسياليزم سالتاناتى» «ۇلتتاردىڭ جاڭا ءتيپتى قاۋىمداستىعى»، «سوۆەت حالقى» دەپ كەلەتىن قۇيتىرقى يدەولوگيا سوتسياليستىك قوعامنان باسقانىڭ بارىنە كۇدىك-كۇمانمەن قاراۋدى تالاپ ەتتى.
اسىرەسە، شارۋاشىلىق مادەني سۇلەسى ەۋروپالىق دامۋ ۇلگىسىنە ساي كەلمەيتىن حالىقتار بىردەن «مادەنيەتسىزدەر» ساناتىنا جاتقىزىلدى. مۇنداي جىكتەۋدەن كەيىن بارشا مادەني-رۋحاني بولمىسى كوشپەلى ءومىر سالتتا قالىپتاسقان قازاق حالقى دا وزىنەن-ءوزى «جابايى جۇرت»، «مادەنيەتى دامىماعان ەل» دەپ ەسەپتەلىپ، «سوتسياليزمنىڭ ارقاسىندا عانا مادەنيەتتەنە باستاعان» بولىپ شىقتى. بۇل جاي عانا يمپەريالىق وكتەمدىكتەن تۋعان ساياسي كوزبوياۋشىلىق نەمەسە يدەولوگيالىق قۇيتىرقىلىق ەمەس ەدى.
ەڭ سۇمدىعى - مۇنداي تۇجىرىمدار عىلىمنىڭ كۇمان تۋدىرماس اقيقاتى رەتىندە ۇرپاقتار ساناسىنا ءسىڭىرىلدى. ءتولتۋما قاسيەتى ايقىن مادەني رۋحاني يگىلىكتىڭ بارشاسى «جابايى» كەزدىڭ ايعاعى رەتىندە ەكىنشى كەزەككە ىعىستىرىلدى نەمەسە ونداي ايعاقتاردىڭ ناسيحاتتالىنۋىنا تىيىم سالىندى...
مۇنداي پايىمداۋلار عىلىمي ورتانى عانا ەمەس، قاراپايىم ءومىر تالقىسىنىڭ وزىندە- اق دارمەنسىزدىك تانىتقانىن كوپ كەشىكپەي ۋاقىتتىڭ ءوزى دالەلدەپ بەردى.
اقسەلەۋ سەيدىمبەك
«قازاق الەمى» (الماتى، «سانات» 1997 ج) 66-بەت
