استاناداعى وكەاناريۋمعا ۋلى بالىقتار اكەلىندى - فوتو
«ەلوردادا ون ءۇش جىلدان بەرى مۇحيتتان 3 مىڭ شاقىرىمنان استام قاشىقتىقتا ورنالاسقان الەمدەگى جالعىز بىرەگەي مۇحيت ارالى (وكەاناريۋم) جۇمىس ىستەپ كەلەدى. قالا تۇرعىندارى مەن قوناقتارى جىل بويى سۋ استى الەمىمەن جانە ەرەكشە تەڭىز بالىقتارىمەن تانىسا الادى»، دەلىنگەن حابارلامادا.
كورەرمەندەر وڭتۇستىك امەريكا مەن وڭتۇستىك- شىعىس ازيادان، جىلى تروپيكالىق وزەندەردەن جانە اشىق تەڭىزدەر مەن مۇحيتتاردان اكەلىنگەن تەڭىز بەن تۇشى سۋدا تىرشىلىك ەتەتىن 2 مىڭنان استام بالىقتى تاماشالاي الادى.
جاقىندا مۇحيت ارالىنا جاڭا بالىقتار اكەلىندى. قاناتتى- زەبرا - ۇزىندىعى 30 س م جىرتقىش بالىق، ول ءوز ۇزىندىعىنىڭ ۇشتەن ەكىسىنە جەتەقابىل بالىقتى جەپ قويادى. ارقا جانە كەۋدە جۇزبەقاناتتارىنداعى ۇزىن لەنتالاردا وتكىر ۋلى ينەلەر بولادى.
مۇحيت ارالىندا الەمدەگى ەڭ ۋلى بالىق - بوروداۆچاتكا نەمەسە تاس بالىق تىرشىلىك ەتەدى، ونىڭ ۇزىندىعى 35-50 سم. پيرانيا تۇقىمداستارىنان شىققان بالىقتار دا ادامداردىڭ قىزىعۋشىلىعىن تۋدىرادى. قوڭىر پاكۋ وڭتۇستىك امەريكاداعى حاكاتسيندەردىڭ ەڭ ءىرى وكىلى بولىپ تابىلادى جانە ۇزىندىعى 1,08 م، سالماعى 40 ك گ جەتەدى. تاعى ءبىر جىرتقىش بالىق - پيرانيا ناتتەرەردىڭ تومەنگى جاقتارى مەن تىستەرى وعان قورەگىن كەسەكتەپ جەۋگە مۇمكىندىك بەرەدى.
مۇحيت ارالىنىڭ باستى مەكەندەۋشىلەرى - اكۋلالار. اق تەڭبىل مىسىق اكۋلا ءۇندى جانە تىنىق مۇحيتتارىندا 18 م دەيىنگى تەرەڭدىكتە مەكەندەيدى. ولار تۇندە شىعادى، قورەك ىزدەيدى، ال كۇندىز سۋ استى ۇڭگىرلەرىندە جانە جارىقتاردا جاسىرىنادى. اتلانت مۇحيتىندا جانە تىنىق مۇحيتىنىڭ شىعىس بولىگىندە 130 م دەيىنگى تەرەڭدىكتە تىرشىلىك ەتەتىن مۇرتتى كۇتۋشى اكۋلا دا بار. ونىڭ 4,30 م ۇزىندارى دا كەزدەسەدى. كۇتۋشى اكۋلالار تۇندە شىعادى. كۇندىز 40 شاقتى اكۋلا توپتاسىپ سۋ تۇبىندەگى قۇمدا، ۇڭگىرلەردە نەمەسە تاياز سۋلارداعى جارتاستار مەن مارجان ريفتەردەگى جارىقتاردا دەمالادى.
«دۋماندا» اق جۇزبەقاناتتى ريفتىك اكۋلا دا بار. بۇل كارحارين تارىزدەس تۇقىمداستارىنان شىققان جالعىز ريفتىك اكۋلا ءتۇرى. ولاردىڭ ەرەكشەلىگى - جۇزبەقاناتتارىنىڭ باسى اق بولادى. ءۇندى جانە تىنىق مۇحيتتارىندا 1-330 م دەيىنگى تەرەڭدىكتە مەكەندەيدى.
مۇحيت ارالىنا كەلۋشىلەر اكۋلا، تەڭىز تاسباقالارى جانە ت. ب. تەڭىز بالىقتارىن تاماشالاي الادى. تاجىريبەلى نۇسقاۋشىنىڭ جەتەكشىلىگىمەن كولەمى 3 ميلليون ليترلىك تەڭىز سۋىنا تۇسۋگە دە بولادى. بۇدان باسقا، «دۋماندا» تۇشتى نەمەسە تەڭىز سۋىنان جەكە اكۆاريۋم جاساپ الۋعا مۇمكىنشىلىك بار.
