قىتاي يران يادرولىق ماسەلەسىن رەتتەۋدەگى قازاقستاننىڭ ءرولىن جوعارى باعالايدى - قىتاي سىرتقى ىستەر مينيسترلىگى
بۇل تۋرالى قىتايدىڭ سىرتقى ىستەر مينيسترلىگىنىڭ رەسمي وكىلى حوڭ لەي (Hong Lei) مالىمدەدى.
«قازىر ءار تاراپ يراننىڭ يادرولىق ماسەلەسى بويىنشا جيىنتىق كەلىسىمدى دايىنداۋ جونىندەگى جۇمىستارىن باستاپ كەتتى. جاقىن ارادا وعان قول قويىلادى. قازاقستان يران يادرولىق پروبلەماسىن شەشۋدىڭ ساياسي- ديپلوماتيالىق ۇدەرىسىن العا جىلجىتۋعا ۇنەمى ۇلەسىن قوسىپ وتىردى. سونىمەن قاتار ول اتالعان ماسەلە بويىنشا ەكى رەت كەلىسسوزدەر ۇيىمداستىردى»، - دەدى ول بريفينگ بارىسىندا.
حوڭ لەي يراننىڭ يادرولىق ماسەلەسى بويىنشا جيىنتىق كەلىسىمىن (ي م ج ك) جۇزەگە اسىرۋ حالىقارالىق قوعامداستىقتىڭ ورتاق كۇش سالۋىن تالاپ ەتەتىنىن اتاپ ءوتتى.
«قىتاي قازاقستانمەن جانە وزگە دە تاراپتارمەن بىرگە يراننىڭ يادرولىق ماسەلەسى بويىنشا جيىنتىق كەلىسىمىن جۇزەگە اسىرۋعا نيەتتى»، - دەدى قىتايلىق ديپلومات.
ەسكە سالا كەتەيىك، ق ر پرەزيدەنتى نۇرسۇلتان نازاربايەۆتىڭ باستاماسىمەن 2013 -جىلى الماتى قالاسىندا يران يادرولىق باعدارلاماسى بويىنشا كەلىسسوزدەردىڭ ەكى كەزەڭى وتكىزىلدى.
بۇل كەلىسسوزدەردىڭ ناتيجەسى 2015 -جىلى يراننىڭ يادرولىق ماسەلەسى بويىنشا بىرلەسكەن جيىنتىق ءىس-ارەكەتتەر جوسپارىنىڭ قابىلدانۋىنا نەگىز بولدى.
