شەنەۋنىكتەر ەندى دورەكى باسشىلارىنىڭ ۇستىنەن قۇپيا ارىزدانا الادى
جاڭادان قۇرىلعان مەملەكەتتىك قىزمەت ىستەرى مينيسترلىگى وسىنداي باستامانى قولعا الدى.
انكەتادا شەنەۋنىكتەرگە «جۇمىسىڭىز ۇناي ما، ونى قالاي باعالايسىز؟» «ارىپتەستەرىڭىزبەن جۇمىس ىستەگىڭىز كەلە مە؟» دەگەن ساۋالدار قويىلادى. ءتىپتى ءوزى سىيلايتىن بەدەلگە يە ارىپتەسىنىڭ اتى-ءجونىن جازۋ سۇرالماق. ساۋالناما قۇپيا وتكىزىلەتىندىكتەن جاۋاپتاردى اتقامىنەرلەردەن باسقا ەشكىم وقي المايدى.
وسىلايشا مينيسترلىك ۇجىمدارداعى شىنايى احۋالدى ەرتە بىلسەك جانجالعا جول بەرمەيمىز دەپ وتىر. ونىڭ ۇستىنە مينيسترلىك، اكىمدىك، باسقارمالارداعى جاعداي قولايلى بولسا، ەڭبەك ونىمدىلىگى دە ارتادى ەكەن.
«ساۋالناما ارقىلى مەملەكەتتىك مەكەمەلەردەگى مورالدىق-پسيحولوگيالىق جاعدايدى ءبىلىپ وتىرامىز. انكەتانىڭ قورتىندىسى سارالانىپ، شيكىلىك انىقتالسا، باسشىلارعا احۋالدى جاقسارتۋ مىندەتەلەدى»، - دەيدى مەملەكەتتىك قىزمەت ىستەرى ءمينيسترىنىڭ ورىنباسارى ايگۇل شايموۆا.
