ا ق ش- تا ۇسكىرىك ايازدان كولىكتەر مۇز قۇرساۋىندا قالدى
استانا. قازاقپارات - ا ق ش-تىڭ نيۋ-يورك شتاتىنىڭ سولتۇستىك-باتىسىنداعى بۋفاللو قالاسىندا شىڭىلتىر ايازدان ادام سەنگىسىز وقيعالار ورىن الىپ جاتىر. ماسەلەن، كول جاعاسىنا جاقىن قويىلعان كولىكتەر كوك مۇز قۇرسانىپ، تاس مۇسىننەن اۋماي قالعان. ۇيتقىعان جەل مەن شاشىراعان سۋدان سىرەسىپ قاتقان كولىكتەردىڭ كوپكە دەيىن ەري قويماسى انىق.
توسىن كورىنىستى كورگەن جۇرت ءالى قايران قالىپ ءجۇر. عالامتوردا لەزدە تاراپ كەتكەن جازبانى كورسە، كولىك يەسى دە ءوز كوزىنە ءوزى سەنبەسە كەرەك. توسىن جاعداي قالانىڭ باسقا دا اۋداندارىندا بولعان كورىنەدى.
www.24.kz
