كوكشەتاۋدا جالعان جول پوليتسەيى تاكسيشىنى الداپ كەتتى

بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.

كوكشەتاۋ قالاسىنىڭ تۇرعىنى پوليتسياعا حابارلاسىپ، 340 مىڭ تەڭگە كولەمىندەگى اقشاسىن بەيتانىس الاياق قىز الىپ كەتكەنىن ايتىپ شاعىمدانعان.

 «جەدەل- ىزدەستىرۋ شاراسى بارىسىندا كوكشەتاۋ قالالىق ىشكى ىستەر باسقارماسىنىڭ قىزمەتكەرلەرى كۇدىكتى 26 جاستاعى قىزدى قولعا ءتۇسىردى. كۇدىكتىنىڭ بۇرىن سوتتى بولماعان جانە ەش جەردە جۇمىس ىستەمەيتىنى انىقتالدى.

كەيىن بەلگىلى بولعانداي تاكسي جۇرگىزۋشىسى، ياعني، زارداپ شەگۋشى كۇدىكتىنى دىتتەگەن جەرىنە جەتكىزىپ سالعان. كەيىن ەكەۋى تەلەفون ارقىلى سويلەسىپ، ءوزىن م ا ي(جول پوليتسەيى - رەد.) قىزمەتكەرى رەتىندە تانىستىرعان كۇدىكتى تاكسي جۇرگىزۋشىسىنە ساۋداعا قويىلعان پاتەر الىپ بەرۋگە كومەكتەسەتىنىن ايتقان. وسىلايشا، ول الاياق قىزدىڭ قولىنا 340 مىڭ تەڭگە بەرگەن. وسىدان كەيىن قىز ءىز سۋىتقان. جابىرلەنۋشى پوليتسياعا حابارلاسۋعا ءماجبۇر بولعان»، دەلىنگەن حابارلامادا.

قازىرگى كەزدە، كۇدىكتىنىڭ ۇستىنەن قىلمىستىق ءىس قوزعالىپ، تەرگەۋ امالدارى جۇرگىزىلۋدە.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى