پاۆلودار اۋماعىندا ەرتىس ارقىلى وتەتىن مۇز جولدارى اشىلدى - فوتو

قىسقى مۇز جولدارىنىڭ اشىلۋى اۋىل تۇرعىندارى ءۇشىن ۇلكەن وقيعا، ولار ارقىلى اۋىلدار اراسىنداعى جولدى قىسقارتۋمەن، دايىندالعان پىشەن جانە وتىن تاسىمالداۋ ۇيىمداستىرىلادى.

اعىمداعى جىلى اقتوعاي جانە ەرتىس اۋداندارىندا ەكى اۆتوكولىك وتكەلى جۇمىس جاسايدى. وتكەلدەر ەرتىس جانە اقتوعاي اۋداندارى اكىمدەرىنىڭ وكىمدەرىنە سايكەس اشىلدى. ەرتىس اۋىلىندا مۇز وتكەلى پارومدىق وتكەلدىڭ ورنىندا ورنالاسقان، مۇزدىڭ قالىڭدىعى 42 س م. اقتوعاي اۋىلىندا جاعاجاي اۋدانىندا ورنالاسقان مۇزدىڭ قالىڭدىعى 44 س م قۇرايدى. وبلىستىڭ باسقا اۋداندارىندا مۇز وتكەلدەرىن رەسمي اشۋعا ازىرشە رۇقسات جوق.

جەلەزين اۋدانىندا ءۇش جاياۋ وتپە جولى اشىلدى. ول جەلەزين، باشماچنوە جانە پرييرتىشە اۋىلدارىندا.

وبلىستىڭ جەكەلەنگەن اۋداندارىندا، سونىڭ ىشىندە ماي، لەبياجى اۋداندارىندا اۆتوكولىكتەر جانە تىركەمەسى بار تراكتورلار ءۇشىن قاۋىپتى، سوندىقتان مۇندا قىسقى جولداردىڭ اشىلۋىنا ءازىر رۇقسات بەرىلگەن جوق. قۇتقارۋ بەكەتتەرىنىڭ مالىمەتى بويىنشا كورسەتىلگەن اۋداندارداعى ەرتىس وزەنىندەگى مۇزدىڭ قالىڭدىعى 35 س م اسپايدى. قازىرگى ۋاقىتتا اۋا تەمپەراتۋراسىنىڭ وزگەرۋىنەن بارلىق وتكەلدەر نەگىزىنەن جاياۋ ادامدارعا ارنالعان، ال اۆتوكولىكتەردىڭ سالماعى 2,5 توننادان اسپاۋى كەرەك، دەپ حابارلادى ق ر  ت ج م باسپا ءسوز قىزمەتى.

وتكەن جىلداعىداي مۇز جولدارى مەن وتكەلدەرىن ۇستاۋ ءۇشىن پىشەن تاسىمالىن ۇيىمداستىراتىن شارۋا قوجالىقتارىنىڭ باسشىلارى جاۋاپتى بولادى.

 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى