تالدىقورعان اكىمى مەردىگەرلەر نازارىن اتقارىلاتىن جۇمىس ساپاسىنا اۋداردى - فوتو
قالا باسشىسى «جاستار» ساياباعىنداعى جۇمىس بارىسىمەن تانىستى. جىل باسىنان بەرى وبلىس ورتالىعىندا قۇرىلىسشىلاردىڭ جۇمىستى شاپشاڭداتۋىنا مۇمكىندىك بەرەتىن اۋا رايى قولايلى بولىپ تۇر. ءبىراق تا انىقتالعانىنداي، جۇمىسشىلار العا قويىلعان مىندەتتەردى ورىنداماعان جانە جۇزەگە اسىرىلعان نىساندار ساپاسى سىن كوتەرمەيدى. ماسەلەن، باعدات قاراسايەۆ ساياباق اۋماعىنا ورناتىلعان جاڭا وتىرعىشتاردى سىنعا الدى. اكىم ءبىرىڭعاي ستانادارتتار جوقتىعىنا نازار اۋدارۋمەن قاتار، اعاش كونسترۋكتسيالاردى سىرلاۋداعى كەمشىلىكتەردى دە كورسەتتى. قۇرىلىسشىلار جاڭا جىلدىڭ الدىنداعى جۇمىس قارقىنىن قوجىراتىپ جىبەرگەن. اكىم «سپەت ستەح نوماش» ج ش س مەردىگەرلىك ۇيىمىنىڭ ءبىرقاتار كەمشىلىكتەرىن بەتىنە باسىپ، ولاردى شۇعىل تۇزەتۋدى تاپسىردى.
بۇدان كەيىن قالا اكىمى قالانىڭ وڭتۇستىك-باتىس تۇرعىن الابىندا سالىنىپ جاتقان ەكى كوپپاتەرلى ۇيلەردىڭ قۇرىلىسىن تەكسەردى. قۇرىلىس جۇمىستارى مارەگە جاقىنداپ كەلە جاتقانىنا قاراماستان «التىن شەگە» ج ش س جانە «گاكۋ قۇرىلىس» ج ش س نىساندى تاپسىرۋ كەستەسىنەن ارتا كەلەدى. سونىمەن قاتار تالدىقورعان اكىمى قۇرىلىس كومپانيالارى تاراپىنان ءبىرقاتار كەمشىلىكتەردى اتاپ كورسەتە كەلىپ، اپتا ىشىندە بارلىق ەسكەرتۋلەردى جويۋعا تاپسىرما بەردى.
