باراك وباما: ي م- دى جەڭۋگە ۇلكەن سوعىس اشۋ كەرەك ەمەس
12 - قاڭتاردا جاساعان جولداۋىندا وباما رەسپۋبليكاشىل پارتياداعى ءوزىنىڭ ساياساتىن سىنايتىنداردىڭ «ا ق ش- تىڭ حالىقارالىق ماسەلەلەردەگى ۇستانىمى السىرەپ بارا جاتىر جانە «يسلام مەملەكەتى» ەكسترەميستىك ۇيىمىن كۇيرەتۋ ءۇشىن اۋقىمدى سوعىس جۇرگىزۋى ءتيىس» دەگەن مالىمدەمەلەرىن قاتە دەپ اتادى.
ا ق ش پرەزيدەنتتىگىنە رەسپۋبليكاشىل پارتيادان كەيبىر ۇمىتكەرلەر ي م- گە كۇيرەتە سوققى بەرۋ ءۇشىن يراك پەن سيريانىڭ سودىرلار باقىلاۋىنداعى تەرريتوريالارىن جاپپاي بومبالاۋعا شاقىرعان.
«پيكاپتارعا ءمىنىپ، ءتۇرلى شابۋىل ۇيىمداستىراتىن سودىرلار بەيبىت تۇرعىندارعا ۇلكەن قاۋىپ توندىرەدى جانە ولاردى توقتاتۋ كەرەك. ءبىراق ولار ءبىزدىڭ مەملەكەتىمىزدىڭ ءومىر سۇرۋىنە قاتەر توندىرمەيدى. كىسى ولتىرۋشىلەر، ءيا فاناتيك دەيمىز بە، ولاردى ءتۇپ- تۇقيانىمەن جويۋ كەرەك» دەدى وباما.
وباما ەگەر كونگرەسس ي م- ءدى جويۋعا شىنىمەن نيەتتى بولسا، وندا وزىنە بۇل ۇيىممەن كۇرەسۋگە قۇزىرەت بەرەتىن قارار قابىلداۋى ءتيىس دەدى.
ءبىراق ول ا ق ش داعدارىسقا ۇشىراعان ءاربىر ەلدى اياقتان تۇرعىزا المايتىنىن ەسكەرتتى.
«ازاتتىق»
