سۋىقتى سەزبەيتىن ادام

ول وسى قاسيەتىمەن گيننەس رەكوردتار كىتابىنا ەنۋى مۇمكىن. ماسەلەن، «LifeNews» اقپارات قۇرالىنىڭ حابارلاۋىنشا، الحان-يۋرت ەلدى-مەكەنىنىڭ 56 جاستاعى تۇرعىنى يبراگيم ابدۋللايەۆتىڭ سۋىقتى سەزبەيتىنىنە بىرنەشە جىل وتكەن. جەرگىلىكتى دارىگەرلەر ونىڭ بويىنداعى بۇل وزگەرىستى قالاي ءتۇسىندىرىپ بەرە الماي دال بولۋدا: سىرقات بولسا، بۇل سىرقاتتىڭ سىرى نەدە؟ نەمەسە بۇل قانداي فەنومەن؟ ال يبراگيمنىڭ ءوزى بويىنداعى بۇل قاسيەتتى «قۇدايدىڭ كەرەمەتى» سانايدى. «قار بوراپ جاۋىپ تۇرسا دا كويلەگىمدى ىلعال شالمايدى. ياعني، ىلعالدانسا دا دەنەمنىڭ قىزۋىنان تەز كەۋىپ كەتەدى. كويلەگىم نەعۇرلىم جۇقا بولعان سايىن سوعۇرلىم تەز كەبەدى»، - دەدى بەس بالانىڭ اكەسى اتانعان ول. ال تاجىريبەلى دارىگەرلەر ونىڭ اعزاسىنىڭ مۇنداي ەرەكشەلىگىن قانداي دا ءبىر اۋىر جاراقات العانىنىڭ نەمەسە جۇيكەسىنە زاقىم كەلگەندىگىنىڭ سالدارىنان بولۋى مۇمكىن ەكەنىن ايتىپ وتىر.

الايدا، ەلۋدى ەڭسەرگەن ەر ادامنىڭ ءوزى ايازدا جاۋراماي، كەرىسىنشە سەرگىپ قايتاتىنىن تىلگە تيەك ەتىپ وتىر. ونىڭ زايىبى جۇبايىنىڭ تاعى ءبىر ەرەكشەلىگىن جەتكىزدى: ەلەكترمەن دانەكەرلەۋدە ول قورعانىش بەتپەردەسىن كيمەيتىن بولىپ شىقتى. «مەن ونىمەن وتاسقانىما، مىنە، 25 جىل تولدى. وعان تۇرمىسقا شىققانىمدا ونىڭ مۇندايى جوق بولاتىن. مۇنىڭ نە ەكەنىن ءوزىم دە بىلمەيمىن. ول تەك كويلەك پەن شالبار عانا كيەدى. ونىڭ قىمبات ءارى جىلى تونى دا، كۇرتەشەسى دە بار، ول بۇلاردى كيمەيدى»، - دەدى شيرەك عاسىر وتاسقان كۇيەۋى جايىندا حاميلا ابدۋللايەۆا.

islam.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى