قازاق ساۋلەتشىسى شاتىرىندا شاڭعى تەبۋگە بولاتىن تۇرعىن ءۇي جوباسىن ۇسىنىپ، شەتەلدىكتەردى تاڭعالدىردى
بۇل تۋرالى NUR. KZ پورتالى novate.ru-عا سىلتەمە جاساپ حابارلايدى.
شوقان ماتايبەكوۆ شاڭعى تەبۋدى ۇناتاتىندار ءۇشىن جاڭا جوبا ويلاپ تاپتى. مۇنداي جوبا قالانىڭ باستى نىشانىنا اينالارى انىق دەپ جازادى رەسەيلىك سايت.
شوقان ماتايبەكوۆ ويلاپ تاپقان شاتىرىندا تاۋ شاڭعىسىن تەبۋگە بولاتىن تۇرعىن ءۇي
قازاق ساۋلەتشىسى شوقان ماتايبەكوۆ «سلالوم-ءۇي» دەپ اتالاتىن قايتالانباس تۇرعىن ءۇيدىڭ سىزباسىن ويلاپ تاپتى. 21 قاباتتى U ارپىنە ۇقساس جوبا استانا قالاسىنىڭ ەڭ كورىكتى جەرىنە اينالماق.
Slalom House - توبەسىندە تاۋ شاڭعىسىن تەبۋگە بولاتىن تاڭعالارلىق تۇرعىن ءۇي.
سىرعاناۋعا ارنالعان شاتىردىڭ ۇزىندىعى - 326 مەتر. قىستا عانا بارۋعا بولاتىن تاۋ-شاڭعى تراسساسىنا قاراعاندا، بۇل ءۇيدىڭ شاتىرى قىسى-جازى ىستەيدى دەپ كۇتىلۋدە. جازدا ول Slalom House Snowflex دەپ اتالاتىن جوعارى تەمپەراتۋراعا شىدامدى جاساندى قارمەن كومكەرىلەدى.
شاڭعىشىلاردىڭ قاۋىپسىزدىگى ءۇشىن تراسساعا بيىك قورشاۋلار سالىنادى. تراسسانىڭ ۇزىندىعى - 326 مەتر، ال ەنى - 27 مەتر. شاڭعىشىلار تراسسانىڭ باسىنا اينەكتەن جاسالعان ارنايى ليفت ارقىلى كوتەرىلەدى.
عيماراتتىڭ ءبىرىنشى قاباتىندا ساۋدا ورىندارى بولماق، ال ودان جوعارى بارلىعى 421 پاتەردەن تۇراتىن 2 بولمەلى تۇرعىن ءۇي اپارتامەنتتەرى بولادى.
قازاق ساۋلەتشىسى شوقان ماتايبەكوۆ ءوز جوباسىنىڭ قاسىندا
شوقان ماتايبەكوۆتىڭ پىكىرىنشە، شاڭعى تەبەتىن جوتانى قولدان جاساعاننان گورى وسىنداي پايدالى عيمارات سالعان الدەقايدا تيىمدىرەك. بۇل جوبا ازىرگە رەسمي تۇردە بەكىتىلگەن جوق، الايدا ونىڭ باعاسى شامامەن 70 ميلليون دوللار بولماق.
ەگەر جوبا جۇزەگە اساتىن بولسا، وندا «سلالوم-ءۇي» قالا شەتىندەگى تاۋ-شاڭعى تراسساسىنا بارۋ ءۇشىن كەم دەگەندە ءتورت ساعات ۋاقىتىن جوعالتاتىن تۇرعىندار مەن قوناقتار ءۇشىن ءتيىمدى بولماق.
استانادا ورنالاساتىن تاۋ-شاڭعى تراسساسى
