دەنساۋلىق: ءجۇزىمنىڭ مىڭ سان پايداسى

اسىرەسە، ءجۇزىمنىڭ كوپتەگەن دەرتكە داۋا ەكەنىنە ەشكىمنىڭ كۇمانى جوق. سونىمەن، ءجۇزىم تۋرالى نە بىلەمىز؟

قۇرامىنداعى پايدالى زاتتار

جۇزىمدە كوپتەگەن دارۋمەندەر مەن ميكروەلەمەنتتەر بار. اق جۇزىمدە تەمىر مول جانە ءجۇزىم سۇيەگى مەن قابىعىندا كەزدەسەتىن قويۋ قارا نەمەسە قىزىل ءتۇستى رەسۆەراترول انتيوكسيدانتى كۇشتىڭ قالىپقا كەلۋىنە كومەكتەسەدى. ول ە دارۋمەنىنەن دە مىقتىراق. ودان بولەك، جۇزىمدە كالتسي، كالي، ماگني، فوسفور، سونداي-اق، ا، س جانە В6 دارۋمەندەرى بار.

ەمگە پايدالانۋ:

ءجۇزىم قانداي دەرتتەرگە داۋا بولادى؟

- ونكولوگيالىق اۋرۋلاردىڭ الدىن الادى

- جۇرەككە جاقسى اسەر ەتەدى

- تامىرلاردى قاتايتادى

- قان ۇيۋىنىڭ الدىن الادى. ءجۇزىمدى قانى قويۋ ادامدارعا ۇسىنعان ءجون. ويتكەنى، ول اسپيرين سەكىلدى قاندى تاراتىپ، جۇرەك جۇمىسىن جەڭىلدەتەدى.

- كۇن سايىن ءجۇزىم شىرىنىن ىشسەڭىز، باس ساقيناسىنىڭ الدىن الادى.

- اسقازان-ىشەك جولدارىنىڭ جۇمىسىن رەتتەيدى.

- قانت ديابەتىن ەمدەۋدە قولدانىلادى.

- استماسى بار ادامدار ءۇشىن پايدالى.

- ادام تەرىسىن بالعىن ءارى جاس بولۋىنا ىقپال ەتەدى.

ءجۇزىم قارتايۋ پروتسەسىنە قارسى. ياعني، اعزانى جاسارتادى. ءجۇزىم شىرىنىن اعزاداعى شلاكتاردان ارىلۋ ءۇشىن پايدالانادى. ءجۇزىمنىڭ قابىعىندا ورنالاسقان پيگمەنتتەر يممۋنيتەتتى نىعايتادى. سول سەبەپتى، قويۋ ءتۇستى ءجۇزىم پايدالىراق بولىپ ەسەپتەلەدى.

ەگەر ادام كۇن سايىن ءبىر ستاكان ءجۇزىم شىرىنىن ءىشىپ، ءبىر ءۇزىم ءجۇزىم جەسە، وعان قانداي دا ءبىر جۇقپالى اۋرۋلاردىڭ بەلگىسى دارىمايدى.

قازىرگى مەديتسينادا قولدانىلۋى

ءتۇرلى فارماتسيەۆتيكالىق كومپانيالار ءجۇزىمدى باد وندىرۋدە بۇرىننان قولدانىپ كەلەدى. ولاردىڭ قۇرامىنا ءجۇزىم ەكستراكتتارى كىرەدى. اسىرەسە، ءجۇزىمنىڭ سۇيەگى مەن قابىعى جوعارى باعالانادى. ماسەلەن، ۇساقتالعان ءجۇزىم قابىعى مەن سۇيەگىنەن جۇرەككە ارنالعان ۇنتاق جانە كوپتەگەن سەرگىتەتىن ءدارى-دارمەكتەر دايىندالادى.

كوسمەتولوگيادا قولدانىلۋى

ەرتەدەن بەرى ءجۇزىم سۇلۋلىق ءۇشىن پايدالانىلادى. قازىر كەز كەلگەن كوسمەتيكالىق فيرمالاردان قۇرامىندا ءجۇزىم كەزدەسەتىن ءونىمدى تابا الاسىز. بۇل نەگىزىنەن بەتكە ارنالعان كرەمدەر. بۇل كرەمدەردىڭ قۇرامىندا انتيوكسيدانتتى ونىمدەر كوپ. الايدا، ءجۇزىمنىڭ كومەگىمەن كوسمەتيكالىق ءونىمدى ۇيدە دايىنداۋعا بولاتىنىن دا ۇمىتپاڭىز.

ءجۇزىمنىڭ ۇلپاسىنان بەتتىڭ مايلىلىعىن قالىپقا كەلتىرىپ، بەتتى سەرگەكتەندىرە تۇسەتىن ماسكالار جاساۋعا بولادى.

بۇل كۇندەرى سەلليۋليتكە قارسى ونىمدەردە ءجۇزىم بەلسەندى قولدانىلا باستادى.

سوڭعى زەرتتەۋلەردىڭ ناتيجەسىندە ءجۇزىمنىڭ ەركەكتەرگە بەلسىزدىكتەن ارىلۋعا كومەكتەسەتىنى دالەلدەندى.

كەرەكە كەڭەس confederation.kz سايتىنان الىندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى