جىلان ءوزىن سۇيمەك بولعان قىتايلىق تۋريستىڭ مۇرنىن شاعىپ الدى - كەسكىن
ەكى قىزمەتكەر كوتەرىپ تۇرعان الىپ پيتون وزىنە جاقىنداعان كورەرمەننىڭ مۇرنىنان تىستەپ الدى، دەپ حابارلايدى newsru.com سايتى.
The Phuket News باسىلىمىنىڭ جازۋىنا قاراعاندا، بەتىنەن جاراقات العان كەلىنشەك اۋرۋحاناعا تۇسكەن. قازىر ونىڭ دەنساۋلىعىنا قاۋىپ ءتونىپ تۇرعان جوق. جاقىن ارادا ول ەمحانادان شىعارىلادى دەپ كۇتىلۋدە.
وقىس وقيعا پحۋكەت ارالىنداعى ساياباقتاردىڭ بىرىندە بولعان. 9 -قاڭتاردا كورەرمەندەرگە ۇزىن الا پيتوننىڭ قاتىسۋىمەن شوۋ وتكىزىلگەن. بۇل - الەمدەگى ەڭ ۇزىن جىلان دەپ سانالادى.
29 جاستاعى قىتايلىق تۋريست شوۋ كەزىندە جىلاندى ءسۇيۋ ءۇشىن ەڭكەيگەنى ۆيدەودا ايقىن كورىنىپ تۇر. الا پيتون ۋلى جىلان ەمەس. ءبىراق دارىگەرلەر اراشا تۇسپەگەندە تۋريستىڭ دەنساۋلىعىنا ايتارلىقتاي زارداپ كەلۋى مۇمكىن ەكەن. دارىگەرلەر ونىڭ بەتىن بىرنەشە جەرىنەن تىككەن.
زارداپ شەگۋشىنىڭ ەمدەلۋ اقىسىن شوۋ ۇيىمداستىرۋشىلار وزدەرى تولەپتى.
