قورعاستا مۇز فەستيۆالى ءوتتى - فوتو

«وسىنداي ىنتىماقتاستىق بايلانىس نەگىزىندە «قورعاس ارقىلى ۇلى جىبەك جولىنىڭ بويىندا» قازاقستاندىق- قىتايلىق ساۋدا جارمەڭكەسى دە جالعاسۋدا»، دەلىنگەن حابارلامادا.

فەستيۆالعا ق ح ر تاراپىنان ارنايى ەكونوميكالىق ورتالىق پارتيالىق جۇمىسشىلار كوميتەتى حاتشىسىنىڭ ورىنباسارى، قورعاس قالاسىنىڭ اكىمى مۇرال ءابىلماجىن، قازاقستاننان پانفيلوۆ اۋدانىنىڭ اكىمى بەرداۋلەت ابدۋلدايەۆ، «قورعاس» شەكارا ماڭى حالىقارالىق ىنتىماقتاستىق ورتالىعى» ا ق پرەزيدەنتى مىندەتىن اتقارۋشى ۆاسيلي ني، الماتى وبلىستىق تۋريزم باسقارماسىنىڭ وكىلدەرى جانە جان- جاقتان كەلگەن ساياحاتشىلار قاتىستى.

قورعاستاعى قىسقى «مۇز قالانىڭ» الەم ساياحاتشىلارىنىڭ نازارىن اۋدارۋعا مول مۇمكىندىكتەرى بار. مۇنداعى الىپ ساۋدا ورتالىقتارى تولاسسىز تۋريستەردىڭ مەكەنىنە اينالدى.

جينالعاندار اۋماعى اتشاپتىرىم جەردى الىپ جاتقان مۇز قالاشىقتى قىزىقتاپ، مۇسىندەر ماڭىندا سۇرەتكە ءتۇسىپ، بالالار مۇزدان سوعىلعان ارنايى توبەلەردەن سىرعاناق تەپتى. مۇسىنشىلەر مۇز بەن قاردان سوققان الىپ ايداھار، قاناتىن قومداپ تۇرعان سامۇرىق قۇس، تۇيەلەر كەرۋەنى، كوركەم گۇلدەر تاعى باسقا دا تولىپ جاتقان ءساندى كورىنىستەر قالاشىقتىڭ اجارىنا اينالعان.

«شارا بارىسىندا فەستيۆالعا قاتىسۋشىلار ەكى ەلدىڭ قىسقى ايەلدەر كيىمىنىڭ ۇلگىلەرىن تاماشالاپ، قىتاي وندىرىسىنەن شىققان جول تالعامايتىن كولىكتەرمەن تانىستى»، دەلىنگەن حابارلامادا.

مەرەكە سوڭى ىلە-قازاق اۆتونومدى وبلىسى مەن قازاقستان ونەرپازدارىنىڭ كونسەرتىمەن اياقتالدى.

   

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى