سۇلۋلىق زەرتحاناسى: «حيمياسىز» سالماق قوسۋدىڭ جولدارى
«حيمياسىز» سالماق قوسۋعا بولادى ما، الدە ودان باسقا جول جوق پا؟» دەگەن سۇراقتارعا جاۋابىمىز دايىن.
كەي كەزدەرى جاس ادام ءوزىن تىم ارىق سەزىنىپ، بۇلشىقەتتەرىنىڭ كولەمىن ۇلعايتۋدى كوزدەپ جاتادى. ودان بارىپ مۇمكىن بولعان ءدارى -دارمەكتەردى قولدانا باستايدى. ول بىرىنە كومەكتەسسە، ەندى بىرىنە كەرى اسەرىن تيگىزىپ جاتادى. بۇل بيوقوسپالارعا، ءبىر سوزبەن حيمياعا ادام اعزاسى ۇيرەنىپ كەتەدى. ەستە ساقتايتىن جايت، بۇلشىقەتتەردى ۇنەمى «نارلەندىرىپ» وتىرۋ كەرەك، قازىر دە، كەيىن دە. ونى قاراپايىم تاماقپەن ساقتاپ قالۋ مۇمكىن ەمەس. وسىدان كەيىن ءسىز بيوقوسپالاردى توقتاۋسىز جەۋگە مىندەتتى بولاسىز. ءبىراق ءبىز سىزدەرگە «حيمياسىز» سالماق قوسۋدىڭ جولدارىن ايتاتىن بولامىز.
تاماقتانۋ
بۇل پروتسەسستىڭ ۇزاققا سوزىلاتىنىن ۇمىتپاڭىز. الدا ۇلكەن جۇمىس كۇتىپ تۇرعانىن سەزىنىڭىز.
ەڭ الدىمەن، تاماقتانۋ ءتارتىبىن تۇزەپ العانىڭىز ابزال. ءبىز سوزبەن، ۇيلەسىمدى تاماقتانعانىڭىز ءجون. اعزاعا بارلىق قاجەتتى اقۋىزدار، كومىرسۋلار، امينقىشقىلدارى مەن دارۋمەندەر ءتۇسىپ تۇرۋ كەرەك. ارينە، تۇراقتى تۇردە. ەگەر ءسىز 5-10 كەلى قوسقىڭىز كەلسە، وندا سالماعىڭىزدىڭ ءاربىر بولشەگىنەكۇندەلىكتى 1,5 گراممنان ەت تۇتىناسىز. ەگەر مولشەردەن اسىرساڭىز، اسقازانىڭىزدىڭ سوزىلىپ كەتۋ ءقاۋپى بار. سوندىقتان دا اقۋىزداردىڭ كوپ بولىگى سىڭىرىلمەي قالىپ جاتادى.
مىسالى، كۇرىش، تاپتىرماس كومىرسۋ. كۇرىشتىڭ قاتتى سۇرىپتارى ۇزاققورىتىلادى، الجۇمساعى جىلدام سىڭەدى. سوندىقتان كومىرسۋلاردى قولداناتىن ۋاقىتتى انىقتاپ العانىڭىز دۇرىس. 2-3 ساعاتتا قورىتىلاتىن كومىرسۋلار دا جاقسى. ولاردى تۇسكى تاماق، نە لانچ الدىندا جەگەن ءجون. ال كەشكى جاتتىعۋدا بارلىق كۇش- جىگەرىڭىز سارپ ەتىلەدى. سالماق قوسۋدا مىندەتتى تۇردە جاتتىعۋدان كەيىن تاماقتانۋ كەرەك. ءتۇنى بويى اعزا قالپىنا كەلىپ، كالوريالاردى بۇلشىقەتتەردىڭ وسۋىنە جۇمسايدى. جالپى، ايتىپ وتكەنىمىزدەي، كۇنىنە كەم دەگەندە 5 رەت تاماقتانعان دۇرىس.
قانداي ازىقتار قولدانعان ابزال
تاڭەرتەڭگى ۋاقىتتا مىندەتتى تۇردە ءسۇت پەن بوتقا. ءسۇت - قۇنارلى تاماق، كوپتەگەن ادامداردىڭ نە سەبەپتى ءسۇتتى ۇناتا بەرمەيتىنىنە تاڭ قالامىن. بارلىق سپورتشىلار تاڭعى ورازاسىن بوتقامەن اشادى، سول سەبەپتى باسقا ادامدارعا وسى كەڭەستى بەرسەم، ارتىق بولماس. جارمالار - بۇل ىشەكتەردى تازالاپ، اۋىرتاماقتاردى قابىلداۋعا اعزانى دايىندايدى. تۇستە سورپا ىشسەڭىز بولادى. ەتتى تاماقتى تۇسكى استا جەگەنىڭىز دۇرىس. ءبىر كەلىگە 1,5 گرامنان. سالماق قوسۋ كەزىندە ەتتىڭ مولشەرىن 2-2,5 گرامعا كوبەيتۋگە بولادى. ارينە، كوكونىستەردى دە. اراعا ءبىر ساعات سالىپ اعزاعا تەز ءسىڭىمدى جەمىس- جيدەكتەر جەۋگە ابدەن بولادى. جاتتىعۋ الدىندا 2-1,5 ساعات بۇرىن از مولشەردە تاماقتانىپ الىڭىز. اعزاڭىز قابىلداپ جۇرگەن، بالا كەزىڭىزدەن تۇتىنىپ كەلە جاتقان تاماعىڭىزدى جەۋگە مىندەتتىسىز. كومىرسۋلار كۇش- قۋات جيناۋعا، ال اقۋىزدار بۇلشىقەتتەردىڭ ءتۇزىلۋىن قامتاماسىز ەتەدى. جاتتىعۋدان كەيىن جەڭىل تاماقتانعان دۇرىس، سەبەبى تۇندە دۇرىس ۇيىقتاي الماي، اعزاڭىز تۇنىمەن تاماق قورىتۋمەن ارپالىسادى. تاماق تانۋدا قاتاڭ ءتارتىپ جوق. باستىسى ۋاقىتىندا، ءارى ۇيلەستىرىلگەن تارتىپپەن تاماقتانساڭىز بولعانى.
جاتتىعۋ ءتارتىبى.
سالماق قوسۋدا، ارينە، ارنايى جاتتىعۋلار كەرەك. اۋىر سالماقتا بولعانىڭىزبەن، ينتەنسيۆتى جاتتىعۋلاردى جاساعانىڭىز ابزال. مىسالى، 100 كەلى سالماقتا 6 رەتتەن جاساڭىز. ينتەنسيۆتى جاتتىعۋدى كوبىرەك جاساساڭىز، سالماق قوسۋ ۇدەرىسى دە باياۋ داميدى. كوپشىلىگى از سالماقتا ءجۇرىپ 20 رەتتەن اۋىرلىق سالىپ جاتادى، بۇل - قاتە. جاتتىعۋدىڭ جاپپاي جۇيەسى كەرەك.
باستى ەرەجە - بەزەك سالماۋ. كوپشىلىك ادامدار ەكى، ءۇش اي دايىندالىپ، تاستاپ كەتىپ جاتادى. سەبەبى پروتسەسس باياۋ جۇرگەندىكتەن. ناتيجە بار، ءبىراق ول كەشىرەك بايقالادى. ەگەر ءسىز 25 -جىل بويى سپورتپەن اينالىسپاعان بولساڭىز، وندا ماقسات ەتكەن ناتيجەڭىزگە جەتۋ ءۇشىن 2-3 -جىلىڭىزدى سارپ ەتۋگە تۋرا كەلەدى. سالماقتى ساپالى قوسقىسى كەلگەندەر، ۇزاققا سوزىلاتىن سىنعا دايىن بولۋ كەرەك.
سالماق قوسۋداعى تاعى ءبىر «فيشكا»
سالماق قوسۋداعى تاعى ءبىر فيشكا - ول اعزانى سترەسستىك كۇيگە ءتۇسىرۋ. ايتايىن دەگەنىمىز، كۇندەلىكتى جۇمىرتقا، ەت جەۋدى ادەتكە اينالدىرىڭىز. ال كومىرسۋلاردىڭ مولشەرىن ازايتۋ كەرەك. اعزادا كومىرسۋلار تاپشىلىعى پايدا بولىپ، ودان كەيىن سۋ، مايلار جينالىپ، سالماق قوسۋعا جاقسى مۇمكىندىك تۋادى.
ودان كەيىن ارتىق 5 كەلىنى تاستايتىن «قۇرعاۋ» كەزەڭى باستالادى. «قۇرعاۋ» كەزىندە كۇندەلىكتى ءبىر جاتتىعۋدان قوسىپ وتىرعان ابزال. بارلىعى دا جاقسى بولادى. جۇگىرە ءجۇرىپ قۇرعاۋعا بولادى. كارديو جۇكتەمەلەر، ولار: ستەپ اەروبيكا، باتتل، بودي كومباتتىڭ پايداسى زور. مەن مۇنداي جاتتىعۋلار كەزىندە، ءبىر ساعات بۇرىن 1,5 ليتردەي سۋ ءىشىپ الاتىنمىن. كەز- كەلگەن جاتتىعۋدا بىرنەشە مايكاڭنىڭ بولعانى دۇرىس. بىرەۋى سۋلانعاندا، ەكىنشىسىن اۋىستىراسىڭ. بۇل جاتتىعۋدىڭ قارقىندى جۇرۋىنە سەپتىگىن تيگىزەدى.
سۋدى از مولشەردە ءىشۋدى ۇمىتپاڭىز. جاتتىعۋ كەزىندە اعزا السىرەپ، پروتسەسستەر تەجەلەدى. سۋ %70 عا دەيىن قالپىنا كەلۋى ءتيىس. ءبىر ليتر سۋدى بىردەن ىشكەن دۇرىس ەمەس. از- از جۇتىممەن ءۇزىلىس ۋاقىتتارىندا ءىشىڭىز.
سالماق قوسۋدا جوعارىدا ايتىلعانداردى ورىنداساڭىزدار بولعانى، قىمباتتى ەر ازاماتتار! سىزدەرگە ساتتىلىكتەر، ءارى بولاشاقتا سىمباتتى بيتسەپستەردىڭ يەگەرلەرى بولۋلارىڭىزدى تىلەيمىن. تەك حيمياسىز! بارلىعى دا ءوز قولدارىڭىزدا!
confederation.kz
