الماتىلىق قىز تانىمال اندەردى يشارات تىلىمەن ايتتى - كەسكىن
ۆيدەوداعى كەيىپكەر - 16 جاستاعى الماتى قالاسىنىڭ تۋماسى زۋحرا تۇرسىنوۆا. ول بالا كەزىنەن سويلەۋى بۇزىلعان بالالارعا ارنالعان مەكتەپتە وقيدى. زۋحرا 7 جاسىنان باستاپ ءىس- قيمىل ءتىلىن ۇيرەنەدى. ول بالا كەزىنەن ىمداپ، قول قيمىلدارى ارقىلى سويلەيدى. ونىڭ سوزىنە قاراعاندا زۋحرا ءوزىنىڭ قامقورشى اتا- اناسىنىڭ ارقاسىندا كۇردەلى وتا جاساتىپ، قازىرگى تاڭدا يمپلانت ارقىلى ەستي الادى. ال بۇگىندە، ول ەستۋ قابىلەتىنەن ايىرىلعان جاندارعا كومەكتەسۋدى ءوزىنىڭ مىندەتى سانايدى.
"مەن ەستۋ قابىلەتىنەن ايىرىلعان ءار ادام اندەردىڭ ءمان-ماعىناسىن، نە تۋرالى ايتىلىپ جاتقانىن تۇسىنگەنىن قالايمىن. ءۇمىت ەشقاشان وشپەيدى"، - دەيدى زۋحرا. زۋحراعا مۇنداي يدەيا "دومينو" توبى جانكۇيەرلەرىنە ارناپ ۇيىمداستىرعان بايقاۋىنا بايلانىستى تۋعان. بايقاۋ ەرەجەسى بويىنشا "جۇرەگىم ساعان" (سەردتسە تەبە) ءانىن ءمىنسىز ورىنداپ شىعۋ كەرەك. جەڭگەن قاتىسۋشى توپپەن دۋەت قۇرىپ ءان ايتۋ مارتەبەسىن يەلەنەدى. ءسويتىپ زۋحرا وسىلايشا ءاندى ىمداۋ تىلىمەن ايتۋعا تىرىسقان. سودان كەيىن ول بۇل جۇمىستى ارى قاراي دامىتادى.
"مەن ولەڭدەردىڭ ماعىناسىن بارىنشا تۇسىنىكتى ەتىپ جەتكىزۋگە تىرىسامىن. ەستۋ قابىلەتى ناشار دوستارىم ماعان راقمەتىن ايتىپ، لەبىزىن ءبىلدىرىپ جاتقاندا ەرەكشە سەزىمگە بولەنەمىن. مەن جاي عانا ءومىردى ءسال دە بولسا جەڭىلىرەك ەتكىم كەلەدى"، - دەدى ول.
