قازاقستاندىق ءانشى يسپانيادا وتكەن حالىقارالىق بايقاۋدا باس جۇلدە يەلەندى - فوتو، كەسكىن
جاس ءانشى قازىلار القاسىنا كريستينا اگيلەرانىڭ Something's got a hold on me جانە چاك جەكسون مەن مارۆين يانسيدىڭ This will be كومپوزيتسيالارىن تانىستىردى. ايتا كەتەيىك، كونكۋرستىڭ باس جۇلدەسى ءۇشىن يسپانيا، رەسەي، بەلارۋس، ارمەنيا جانە ءازىربايجان سياقتى ەلدەردىڭ 10 نان اسا قاتىسۋشىسى تالاستى. جۇلدەگەر مۇنداي جەڭىسكە قول جەتكىزۋ ءۇشىن ءۇش اي بويى قىزۋ دايىندالعان.
دانانىڭ اناسى كونكۋرسقا ءاننىڭ قالاي تاڭدالعانىن ايتىپ بەردى. «وتە قىزۋ دايىندىق جۇرگىزدىك. ەڭ باستىسى كونكۋرسقا جاقسى ءان تاڭداۋ بولدى. بۇل جونىنەن بىزگە ديانا شاراپوۆانىڭ ۆوكال مەكتەبىنىڭ وقىتۋشىسى ايدانا ريزا كومەكتەستى. ول كريستينا اگيلەرانىڭ ءانىن ۇسىندى. ءبىز ينتەرنەتتەن وسى ءاندى ورىنداعان بارلىق ءانشىنى قاراپ شىقتىق. نەگىزىندە اگيلەرانىڭ ورىنداۋىنداعى كلاسسيكالىق ستيل ۇنادى. العاشقى ەكى ساباقتا انمەن تانىستىق. ارى قاراي ءار دىبىستى زەرتتەدىك، التىنشى ساباقتا عانا ءاندى ايتۋدى باستادىق»، - دەدى جەڭىمپاز قىزدىڭ اناسى ايگۇل ماحاتوۆا. ول Voices of Costa Brava بايقاۋىنان كەيىن قىزىنىڭ ارى قاراي ەڭبەك ەتىپ، ديانا شاراپوۆانىڭ مەكتەبىندە باسقا دا بايقاۋلارعا دايىندالا بەرەتىنىن ايتتى.
ايتا كەتەيىك، "گولوس" شوۋىنىڭ قاتىسۋشىسى، قازاقستان ەستراداسىنىڭ جارقىن جۇلدىزى ديانا شاراپوۆانىڭ ۆوكال مەكتەبى اشىلعالى بەرى ەلىمىزدە ۇلكەن تانىمالدىلىققا يە بولىپ ۇلگەردى. مەكتەپ ءبىلىمدى وقىتۋشىلارىمەن ەرەكشەلەنەدى. ساباق بارىسىندا كورەرمەندەر الدىندا ءوزىن- ءوزى ۇستاۋ شەبەرلىگى دە ۇيرەتىلەدى. بۇل مەكتەپتىڭ وقۋشىلارى حالىقارالىق جوبالاردا جەڭىمپاز اتانىپ ءجۇر. جاقىندا عانا وسى مەكتەپتىڭ ەكى وقۋشىسى الماتىدا وتكەن "سودرۋجەستۆو" بايقاۋىندا ءبىرىنشى جانە ءۇشىنشى ورىنداردى جەڭىپ الدى.
ديانا شاراپوۆانىڭ مەكتەبىندە قازاقستاندىق ەسترادا جۇلدىزدارىنىڭ قاتىسۋىمەن اشىق ساباقتار وتكىزىلىپ تۇرادى. نەگىزگى باعدارلاماعا كاسىبي ستۋديادا ءتورت ساعاتقا سوزىلاتىن داۋىس جازۋ دا كىرەدى.
«ءبىز شىنىمەن دە مىقتى وقىتۋشىلاردى تاڭدادىق. دەگەنمەن بۇل مەكتەبىمىزدىڭ جالعىز ەرەكشەلىگى ەمەس. ءبىزدىڭ جۇمىسىمىز تاجىريبەدەن تەورياعا وتۋگە نەگىزدەلگەن. بالالاردىڭ ءان ايتقىسى كەلگەندە ولاردى وقىتىپ قويۋدان اۋلاقپىز. باستىسى - وقۋشىنىڭ ۆوكالمەن اينالىسۋعا دەگەن قىزىعۋشىلىعىن وياتۋ»، - دەدى ديانا شاراپوۆا.
مەكتەپ وقۋشىلارى حالىقارالىق كاستينگتەرگە قاتىسىپ تۇرادى. 2015 -جىلى مەكتەپتىڭ ءۇش وقۋشىسى "گولوس" جوباسىنىڭ بالالارعا ارنالعان نۇسقاسىنا قاتىسۋعا شاقىرتۋ الىپتى. ءبىر قىز وتباسىلىق جاعدايلارىنا بايلانىستى بايقاۋعا بارا الماعان. ال قالعان ەكەۋىنىڭ بىرەۋى ەفيرگە تۇسۋگە رۇقسات العان. باعدارلاما جاقىن ارادا ەفيردەن كورسەتىلەدى.
