رەسەي قور نارىعى ازيالىق نارىقتان كەيىن قۇلدىرادى

ماسكەۋ بيرجاسىنداعى ەكى نەگىزگى يندەكستىڭ ءبىرى - م م ۆ ب (ماسكەۋ بانكارالىق بيرجاسى) يندەكسى تاڭەرتەڭگى ساۋدادا 1700 پۋنكت كورسەتكىشىنەن تومەندەدى. ول 1695,06 پۋنكتكە دەيىن ءتۇستى. بۇل وسىعان دەيىنگى جابىلعان ساۋدا كورسەتكىشىنەن 3,06 پايىزعا تومەن. ممۆب «دوللارلىق» يندەكسى %4,83 تومەندەپ، تومەنگى 700 پۋنكتكە جاقىندادى.

«سيستەما»، «ياندەكس»، «م. ۆيدەو»،  م ت س، سبەربانك جانە ت. ب. كومپانيا قاعازدارىنىڭ قاتتى قۇنسىزداندى.

ساراپشىلاردىڭ پىكىرىنشە، قور نارىعىنىڭ قۇلدىراۋىنا Brent ماركىلى مۇناي باعاسىنىڭ تومەندەۋى سەبەپ بولدى. بۇگىن ونىڭ ءبىر باررەلىنىڭ قۇنى 33 دوللارعا ءتۇستى. ICE بيرجاسىندا مۇناي باررەلىنىڭ باعاسى 32,84 دوللارعا دەيىن ارزاندادى، بۇل كەشەگى ساۋداداعى كورسەتكىشتەن %2,11 تومەن.

ازيا بيرجاسىنداعى قۇلدىراۋ دا رەسەيلىك قور نارىعىنىڭ تومەندەۋىنە قاتتى اسەر ەتتى. 11 قاڭتارداعى ساۋدا بويىنشا Shanghai Composite شاڭحاي بيرجاسىنىڭ نەگىزگى قور يندەكسى %5,32 دەيىن تومەندەپ، 3016,7 پۋنكتكە دەيىن ءتۇستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى