استاناداعى «استانا وپەرا» تەاترىنا كورەرمەندەر شەتەلدەن كەلىپ جاتىر

بۇل تۋرالى بۇگىن و ك ق باسپا ءسوز ءماسليحاتىندا تەاتر ديرەكتورى تولەۋبەك الپيەۆ ءمالىم ەتتى.

«استانا وپەرا» تەاترىنا قاراعاندى، كوكشەتاۋ سىندى جاقىن قالالاردان عانا كەلمەيدى. ارنايى اۆتوبۋستارمەن كاسىپورىندار، كورەرمەندەر، تىڭدارماندار كەلىپ جاتادى. بۇگىندە پرەمەرالارىمىزعا الماتىدان، رەسەيدەن كەلەتىن كورەرمەندەر سانى ارتىپ وتىر. جاقىندا پرەمەراسى وتكەن «بايادەركا» بالەتىنە ا ق ش- تان، فرانسيادان تىڭدارماندار كەلدى. ولارعا التىناي اسىلمۇراتوۆانىڭ ورىنداۋىنداعى سپەكتاكلدى كورۋ قىزىق بولاتىن، سەبەبى التىناي كەزىندە پاريجدە «بايادەركا» بالەتىندە ويناعان»، - دەيدى ول.

«ەكسپو 93 كۇن بويى وتەدى. بىزدە ەڭبەك دەمالىسى بۇل كەزدە بولمايدى. ءبىز قازىر ءوز رەپەرتۋارلارىمىزدى قانىقتىرىپ جاتىرمىز. كورمە كەزىندە ج. پۋچچينيدىڭ «مادام باتتەرفلياي» وپەراسىن قويامىز. رولان پەتيدىڭ قورىمەن «سوبور پاريجسكوي بوگوماتەري» وپەراسىن قويۋ جونىندە كەلىسسوزدەر جۇرگىزۋدەمىز. سوسىن قازاقتىڭ «قىز جىبەك» وپەراسىنىڭ قويىلىمى وتەدى. ءبىز ونى ەڭ كەرەمەت قويىلىم رەتىندە كورسەتە الۋىمىز شارت. ءبىز «اباي» وپەراسىن قويامىز»، - دەدى تولەۋبەك الپيەۆ.  

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى