قازاقستان قارۋلى كۇشتەرىندە جاڭا قىزمەت پايدا بولدى
بۇل مالىمەتتەر اسكەري تەحنيكانى ءتيىمدى قولدانۋ، ءارتۇرلى ءىس-شارالاردى ورىنداۋ ءۇشىن اۋا رايى جاعدايىن پايدالانۋ ءۇشىن قاجەت.
قارۋلى كۇشتەردى گيدرومەتەورولوگيالىق اقپاراتپەن قامتاماسىز ەتۋ ءۇشىن ارنايى باسقارما قۇرىلدى.
سوڭعى ونجىلدىقتا ءبىرقاتار قارۋلى شيەلەنىستەردە قارۋلانۋدىڭ ساپالى تۇرعىداعى جاڭا قۇرالدارى نەگىزىندە كۇرەسۋدىڭ جاڭا ۇلگىلەرى ىسكە اسىرىلدى. وقشاۋلى سوعىس پەن قارۋلى جانجالداردىڭ تالداۋى جوعارى دالدىكتەگى قارۋ مەن وراعىتىلعان جاۋىنگەرلىك ءىس- قيمىلدار داۋىرىندە قارۋ- جاراق پەن اسكەري تەحنيكا ۇزدىكسىز جەتىلدىرىلىپ تۇراتىنىن كورسەتەدى. الايدا، ولاردى قولدانۋدىڭ تيىمدىلىگى كوبىنەسە گيدرومەتەورولوگيالىق جاعدايلارعا بايلانىستى بولادى. وسىعان وراي، اسكەرلەردى گيدرومەتەورولوگيالىق قامتاماسىز ەتۋ ماسەلەلەرىنىڭ ماڭىزدىلىق دارەجەسى ۇلعايۋدا.
قازاقستان رەسپۋبليكاسىنىڭ قورعانىس قابىلەتتىلىگىن نىعايتۋ ماسەلەلەرى ەڭ الدىمەن، جاڭا تەحنولوگيالاردى ەنگىزۋمەن تىكەلەي بايلانىستى. گيدرومەتەورولوگ اسكەري قىزمەتشىلەر قارۋلى كۇشتەرى گيدرومەتەورولوگيالىق بولىمشەلەرىنىڭ جاساقتالۋىن باقىلايدى، مەتەورولوگيالىق مالىمەتتى جينايدى، تالدايدى جانە اسكەرلەرگە تاراتادى، اۆياتسيالىق وقيعالاردى، تەڭىزدە ءجۇزۋ جانە كەمە قاتىناسىنىڭ قاقتىعىستارى مەن قاۋىپسىزدىگىن تەرگەپ- تەكسەرۋگە قاتىسادى، سونداي-اق ق ر ق ك- نىڭ گيدرومەتەورولوگيالىق بولىمشەلەرىندە عىلىمي- ادىستەمەلىك جانە ونەرتاپقىش جۇمىستى جۇرگىزەدى، دەپ حابارلادى ق ر ق م باسپا ءسوز قىزمەتى.
