قىتايدىڭ دالياڭ قالاسىندا «قازاقستاننىڭ زەرتتەۋلەر ورتالىعى» اشىلدى - فوتو

ورتالىقتىڭ رەسمي اشىلۋىن ق ح ر- داعى ق ر توتەنشە جانە وكىلەتتى ەلشىسى شاحرات نۇرىشيەۆ، م. اۋەزوۆ اتىنداعى و ق م ۋ رەكتورى جۇماقان مىرحالىقوۆ جانە د ش ت ۋ رەكتورى ليۋ حۋن (Liu Hong) باستاپ بەردى.

«بۇل قىتايدا ءبىزدىڭ ەلىمىزگە، قازاق ءتىلى مەن مادەنيەتىنە، تاعاتتىلىقتىڭ جانە ەكونوميكالىق دامۋدىڭ قازاقستاندىق مودەلىنە قىزىعۋشىلىقتىڭ ارتىپ وتىرعانىنىڭ دالەلى دەپ سانايمىن (...). بۇگىن قۇرىلىپ وتىرعان «قازاقستاننىڭ زەرتتەۋلەر ورتالىعى» ءبىزدىڭ مەملەكەتتەرىمىز بەن حالىقتارىمىزدىڭ اراسىنداعى دوستىقتى، تاتۋ كورشىلىكتى جانە ارىپتەستىكتى نىعايتۋدا ماڭىزدى الاڭ بولاتىنىنا سەنىمدىمىن.

ورتالىققا قازاق ءتىلىن، مادەنيەتىن جانە قازاقستان تاريحىن، ماڭىزدى ىشكى ساياسي جانە الەۋمەتتىك-ەكونوميكالىق وقيعالاردى زەرتتەۋدە جانە جاريالاۋدا تابىستى جۇمىس تىلەيمىن. بولاشاقتا ونىڭ نەگىزىندە ەكى جوعارى وقۋ ورىندارىنىڭ بىرلەسكەن كۇش-جىگەرىمەن قازاق ءتىلى كافەدراسى قۇرىلاتىن بولادى، دەپ سەنەمىن»، - دەدى ش. نۇرىشيەۆ ءوزىنىڭ سوزىندە.

قازاقستاندىق ديپلومات ستراتەگيا-2050، «نۇرلى جول» جاڭا ەكونوميكالىق ساياساتى، پرەزيدەنتتىڭ قازاقستان حالقىنا «قازاقستان جاڭا جاھاندىق ناقتى احۋالدا: ءوسىم، رەفورمالار، دامۋ» جولداۋى، بەس ينستيتۋتسيونالدىق رەفورمالاردى جۇزەگە اسىرۋ جونىندەگى ۇلت جوسپارى جانە باسقا دا مەملەكەت باسشىسى العا قويعان ەلدى الەۋمەتتىك-ەكونوميكالىق جانە ساياسي دامىتۋ مىندەتتەرى تۋرالى قىسقاشا ايتىپ بەردى.

ەسكە سالا كەتەيىك، دالياڭ شەت تىلدەرى ۋنيۆەرسيتەتى جانىنداعى «قازاقستاننىڭ زەرتتەۋلەر ورتالىعى» شاڭحاي شەت تىلدەرى ۋنيۆەرسيتەتىن جانىندا (2015-جىلعى 16- قاراشادا اشىلدى) جانە بەيجىڭ شەت تىلدەرى ۋنيۆەرسيتەتىندە (2015-جىلعى 13- جەلتوقسان) اشىلعان «قازاقستان ورتالىقتارى» ىشىندە وسىنداي ءۇشىنشى عىلىم ورتالىعى بولىپ وتىر. مۇنداي سەرپىن قازاقستانعا قىتاي عىلىمي توپتارى مەن جۇرتشىلىعى وكىلدەرى تاراپىنان قىزىعۋشىلىقتىڭ ارتا ءتۇسىپ وتىرعانىن كورسەتەدى.

 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى