الەم بويىنشا نەگىزگى ازىق - تۇلىك تاۋارلارىنا باعا تومەندەۋى جالعاسۋدا
ف ا و ازىق- تۇلىك باعاسى يندەكسىنىڭ ورتاشا جىلدىق ءمانى 2015 - جىلى 164,1 تارماقتى قۇرادى، بۇل 2014 -جىلمەن سالىستىرعاندا، 19 پايىزعا تومەن، دەپ حابارلادى ب ۇ ۇ جاڭالىقتار ورتالىعى.
ساراپشىلار الەمدىك ەكونوميكانىڭ باسەڭدەۋى مەتالدان ەنەرگەتيكاعا دەيىن - تاۋارلاردىڭ ءتۇرلى ساناتتارىنا باعانىڭ كۇرت تۇسۋىنە الىپ كەلدى.
«2015 - جىل ىشىندەگى ازىق- تۇلىك تاۋارلارىنا باعانىڭ تومەندەۋىنە نەگىزگى سەبەپ الەمدىك سۇرانىس اياسىندا اۋقىمدى جەتكىزۋ مەن دوللار باعامىنىڭ نىعايۋى بولىپ تابىلادى»، - دەدى فاو اعا ەكونوميسى ابدولرەزا ابباسسيان.
وتكەن جىلعى جەلتوقساندا استىققا باعا ولاردىڭ قاراشاداعى مانىمەن سالىستىرعاندا، 1,3 پايىزعا تومەندەگەن (جۇگەرى وندىرۋشىلەرى اراسىندا ەكسپورتتىق باسەكەلەستىكتىڭ ارتۋى جانە ارگەنتينا ەكسپورتتىق باجدىڭ كۇشىن جويعاننان كەيىن الەمدىك نارىققا تۇسەتىن بيدايعا ۇسىنىستىڭ كۇتىلگەن ءوسىمى سالدارىنان).
ءسۇت ونىمدەرىنە باعا يندەكسى جەلتوقساندا 1 پايىزعا تومەندەدى. جەلتوقساندا ەۋروپادا شوشقا ەتىنە سۇرانىستىڭ ارتىپ، ا ق ش- تان شىعاتىن يمپورتتىق سيىر ەتىنە سۇرانىس تومەندەۋ سالدارىنان ەت قۇنى 2,2 پايىزعا ءتۇستى. 2015 - جىلى ەت باعاسى ورتاشا 2014 - جىلمەن سالىستىرعاندا، 15,1 پايىزعا ءتۇستى.
جەلتوقساندا قانتقا باعا 0,6 پايىزعا قىمباتتادى، الايدا تۇتاستاي العاندا، 2015 - جىلى ول وتكەن جىلعى كورسەتكىشتەرمەن سالىستىرعاندا، 21 پايىزعا ارزان بولدى.
