ابايدىڭ قارا سوزدەرىنىڭ جەلىسىمەن تۇسىرىلگەن سەريال «حابار» ارناسىنان كورسەتىلەدى

 بۇگىن «حابار» تەلەارناسىندا تۇڭعىش رەت «اقىلدىڭ كىلتى» قازاقستاندىق سەريالى كورسەتىلەدى.

 تەلەەپوپەيانىڭ تاريحى سوناۋ ⅩⅨ عاسىردان باستاۋ الىپ، بۇگىنگى كۇنمەن اياقتالادى. سيۋجەتتەگى باستى كەيىپكەرلەر -  ءۇش وتباسىنىڭ مۇشەلەرى. ولاردىڭ بارلىعىن ابايدىڭ ونەگەلى وسيەتتەرى توعىستىرادى. نەگىزى ول شىتىرمان وقيعاعا تولى 12 سەريادان قۇرالادى.

رەجيسسەر مۇرات بيدوسوۆ سەريالدى قازاقتىڭ اقيىق اقىنىنىڭ 170 جىلدىعىنا وراي تۇسىرگەن. تۇسىلىرىمگە دۋلىعا اقمولدا، دانيار بازارقۇلوۆ، باۋىرجان قاپتاعايەۆ جانە دارحان سۇلەيمەنوۆ سىندى بەلگىلى كينو جانە تەاتر اكتەرلەرى جۇمىلدىرىلعان. سەريالدى سەيسەنبى مەن جەكسەنبى كۇندەرى ارالىعىندا تاماشالاۋعا بولادى. كورسەتىلىم 18:30-دا، ال دەمالىس كۇندەرى 16:00-دە كورەرمەن نازارىنا ۇسىنىلادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى