يسپانيا حانشايىمى سوت الدىندا جاۋاپ بەرەدى
كورول فەليپپتىڭ قارىنداسى كريستينا «سالىق تولەۋدەن جالتاردى جانە ۇرلىق جاسادى» دەپ ايىپتالىپ وتىر. تەرگەۋشىلەر پىكىرىنشە، حانشايىم قىلمىستى كۇيەۋى ينياكي ۋردانگارينمەن بىرگە جاساعان.
ىسكە تاعى 16 ادامنىڭ قاتىسى بار، ءبىراق ولار ءوز كىنالارىن مويىنداماي وتىر.
ۋردانگاريننىڭ كوممەرتسيالىق ەمەس ۇيىمى ايماقتىق بيلىكتىڭ باعاسى اسىرا بەلگىلەنگەن قىزمەت ۇسىنۋ جونىندەگى بايقاۋلارىن جەڭىپ الىپ وتىرعان. ال ارتىق تولەنگەن سوما وسى قيتۇرقىعا ىسكە قاتىسۋشىلاردىڭ جەكە ەسەپشوتتارىنا اۋدارىلىپ كەلگەن.
« Urdangarin Noos ينستيتۋتى» ۇيىمى بيۋدجەتتەن 5,6 ميلليون ەۋرو كولەمىندە اقشا العان.
تەرگەۋ نۇسقاسى بويىنشا، حانشايىم كريستينا Noos سپورتتىق قايىرىمدىلىق قورىنىڭ قورعانشى كەڭەسىنىڭ قۇرامىندا بولعان كەزىندە، Aizoon جىلجىمايتىن مۇلىكتى ساتۋ كومپانياسىنا يەلىك ەتە وتىرىپ زاڭسىز قارجىنى جىلىستاتۋعا كومەكتەسكەن.
