ا ق ش ليۆيانىڭ التىن قورى ءۇشىن الاسۇردى

حاتتارداعى ايتىلعانداردى پرەزيدەنتتىك دوداعا قاتىسىپ جاتقان كلينتون ءۇشىن ساياسي اياقتان شالۋ دەپ اتاپ جاتىر. ولارداعى كەلتىرىلگەن مالىمەتتەر باتىس ساياساتكەرلەرىنىڭ ا ق ش- تىڭ ليۆياداعى «توڭكەرىس» كەزىندەگى ارەكەتتەرىنىڭ بەت پەردەسىن اشىپ بەرەدى، دەپ حابارلادى ۆەستي. رۋ.

 حيللاري كلليتوننىڭ سايلاۋ الدىنداعى كۇلكىسى قيىنداي تۇسپەك. ۇمىتكەرگە جاعىلعان كۇيە جەتەرلىك، سوندىقتان دا ول ءوزى ءۇشىن ۇگىتتەۋدەن گورى كوبىرەك اقتالۋىنا تۋرا كەلىپ ءجۇر. بۇرىنعى مەملەكەتتىك حاتشىنىڭ تاعى 3 مىڭ حاتى جۇرتقا جاريا بولدى. ولاردىڭ ءبىرىن ءوزىنىڭ كەڭەسشىسى سيدني بليۋمەنتايمنان الىپتى. ۇلكەن ارىپتەرمەن - «قۇپيا، حيللاري ءۇشىن» دەپ جازىلعان. قۇجات كاددافي ۇكىمەتىنىڭ التىن قورى كولەمى تۋرالى باياندايدى. 2011 - جىلى، امەريكاندىقتاردىڭ باعالاۋىنشا، ليۆيادا قارجىلىق قورلار شاش- ەتەكتەن بولعان. شتاتتاردى ەل بۇل قورلاردى قالاي پايدالاناتىنى وتە مازاسىزداندىرعان.

 «كاددافي ۇكىمەتىندە 143 توننا التىن جانە سونشا كۇمىس بار. بۇل التىن ليۆيالىق التىن دينار نەگىزىندە پانافريكاندىق ۆاليۋتا قۇرۋعا ارنالعان»، - دەلىنگەن حاتتا. باتىس شىنىمەن- اق تەڭسەلىپ كەتتى: ەگەر كاددافي ءوز جوسپارىن جۇزەگە اسىرسا، جاڭا ۆاليۋتا افريكا ەلدەرىندەگى دوللار مەن فرانكتەردى ىعىستىرارى ءسوزسىز ەدى. امەريكاندىقتار دا، ەۋروپالىقتاردا كاددافيدىڭ قولىنا وراسان زور ايماقتىق قارجى تەتىگىن قالاي ۇستاتىپ قويادى؟!

حات 2011 -جىلعى 2 - ساۋىردە جازىلعان. «اراب كوكتەمى» كۇشىنە ءمىنىپ تۇرعان كەز ەدى. تريپولي كوشەلەرىندە سىرتتان قولتىعىنان سۋ بۇرىككەن بۇلىكشىلەردىڭ قيمىلىنان تىم ىستىق ەدى، وعان قوسا كواليتسيا اسكەرلەرى زىمىران- بومبا سوققىلارىمەن ليۆيانىڭ ەسىن جيدىرماي جاتىر. ساياساتكەرلەر ەكرانداردان ليۆيا حالقىن جاۋىز كاددافيدەن قالاي قورعاپ جاتقاندارىن ايتىپ، سايراپ جاتىر.

 «كاددافي ليۆيا حالقىنىڭ سەنىمىنەن ايرىلدى جانە ەلدى باسقارۋ قۇقىعىن جوعالتتى. ول زومبىلىق جولىن تاڭدادى. ءبىزدىڭ بارلىق ءىس- قيمىلىمىز بەيبىت ازاماتتاردى قورعاۋعا باعىتتالعان»، - دەپ مالىمدەدى ا ق ش پرەزيدەنتى باراك وباما.

 ال مەملەكەتتىك دەپارتامەنتتىڭ قۇپيا حاتتارىندا مۇلدەم باسقا اۋەندەر كورسەتىلگەن. ءبىرىنشى ماسەلە دەموكراتيانى قورعاۋ ەمەس، مۇناي... «اراب ەلدەرىندەگى ريەۆوليۋتسيالار ءبىزدىڭ ءوزارا قاتىناستارىمىزداعى جاڭا ءداۋىردى اشتى. وندا بوستاندىق پەن دەموكراتيا ديكتاتورلىق رەجيمدەرگە قارسى تۇرۋدا»، - دەدى سول كەزدە فرانسيا پرەزيدەنتى نيكوليا ساركوزي.

 «ءبىز جاڭا قادام جاساپ جاتىرمىز. ناتو بويىنشا ءوزىمىزدىڭ وداقتاستارىمىزبەن بىرگە ءبىز ليۆيانىڭ ۇشۋعا تىيىم سالىنعان ايماعىنا قولباسشىلىق پەن باقىلاۋدى اليانس كۇشتەرى جۇزەگە اسىرادى دەپ ۋاعدالاستىق. بارلىق 28 وداقتاس- ەلدەر ازاماتتىق حالىقتى كەڭىنەن قورعاۋدى قامداماسىز ەتۋ ءۇشىن وپەراتسيانى جۇرگىزۋ جوسپارىن جاساۋعا قوسىلادى»، - دەپ مالىمدەدى سول كەزدە حيللاري كلينتون.

ليۆياداعى باتىستىڭ اسكەري ناۋقانىنىڭ بىرنەشە ايى ىشىندە- اق بەس مىڭعا جۋىق ادام ءولدى جانە جارالاندى. ەل ءوزىنىڭ كوشباسشىسى مۋامار كاددافيدەن دە ايىرىلدى. ولتىرىلگەن پرەزيدەنتتىڭ دەنەسىن مازاققا اينالدىرعان جانتۇرشىگەرلىك كادرلار بۇكىل الەمگە تارالدى. «اراب كوكتەمى» كەزىندە ليۆيا لاڭكەستىكتى الپەشتەپ وسىرەتىن جەرگە اينالدى. قازىر ونىڭ بۇدان بەس- اق جىل بۇرىن ەڭ دامىعان تاياۋ شىعىس مەملەكەتى بولعانىنا سەنۋ قيىن. كاددافيدىڭ ءوزى دە ەگەر راديكالدار جەڭىسكە جەتەتىن بولسا، ايماقتىڭ ءحالى نەشىك بولاتىنىن ايتىپ كەتكەن بولاتىن.

 ليۆيانى بولشەكتەي وتىرىپ، كاددافي ۇكىمەتىنىڭ التىن قورى دا تونالدى. شامامەن بۇل 7 ميلليارد دوللار! باتىس كلينتوننىڭ حاتتارىنداعى كوزدەگەن ماقساتتارىنا جەتتى - ەندى ايماقتا بالامالى جانە ءبىرىڭعاي ۆاليۋتا كەلمەسكە كەتتى. ونىڭ ورنىنا سولتۇستىك افريكا مەن تاياۋ شىعىستى تۇگەلىمەن لاڭكەستەر ۇيالارى وراپ الدى. پرەزيدەنتىككە ۇمىتكەر حانىم سايلاۋ الدىنداعى ءار سوزىندە دەرلىك «يسلام مەملەكەتىمەن» كۇرەسۋگە انت- سۋ ىشەدى، الايدا حيللاري كلينتون قازىر ءوز حاتتارىندا نە جازىپ جاتقانىن كىم ءبىلسىن؟!

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى