قىتايدا قار بارىسىن ولتىرگەن بەس براكونەر ۇستالدى
ۇستالعاندار جانۋارلاردىڭ سيرەك تۇرلەرىن، سونىڭ ىشىندە قار بارىستارىن اتۋدا ايىپتالىپ وتىر، دەپ جازادى شينحۋا.
براكونەرلەردىڭ ۇيلەرىنەن قار بارىستارىنىڭ ەكى تۇتاس ەتى، ءبىر بۇركىت، ءۇش ارقار، سونداي- اق التى ناحۋر مەن التى قاراقۇيرىق تابىلدى. كۇدىكتىلەر ءوز كىناسىن مويىندادى. ءىس بويىنشا تەرگەۋ امالدارى جالعاسۋدا.
الەمدە قار قابىلاندارىنىڭ سانى 5 مىڭنان استام، سونىڭ 2 مىڭعا جۋىعى قىتاي اۋماعىندا تىرشىلىك ەتۋدە. قورشاعان ورتانى قورعاۋ بويىنشا شارالاردىڭ ارقاسىندا سوڭعى بىرنەشە جىلدا قابىلاندار قىتايدىڭ سولتۇستىك باتىسىنان دا بايقالا باستاعان.
