يراكتا ي م لاڭكەستىك توبى باسشىسىنىڭ ورىنباسارى ءولتىرىلدى
«يراك ءا ءا ك جويعىش ۇشاقتارىنىڭ اۆياسوققىسى ناتيجەسىندە انبار باتىس پروۆينتسياسىنداعى بارۆاني اۋدانىندا ي م لاڭكەستىك توبىنىڭ باسشىلىعىنداعى ەكىنشى ادام - اسسي ءالي ناسەر ءال- وبەيدي، ءابۋ- باكر ءال- ءباعداديدىڭ ورىنباسارى ءولتىرىلدى»، - دەپ حابارلادى يراندىق PressTV تەلەارناسى.
«اسسي ءال- وبەيدي كيركۋك پروۆينتسياسىنداعى حاۆيدجا قالاسىندا تۋعان، يراك ارمياسىنىڭ بۇرىنعى پولكوۆنيگى، قاشىپ جۇرگەن جەرىندە تۇتقىندالىپ، باعداد تۇبىندەگى ءابۋ- گرەيب تۇرمەسىندە وتىرعان، 2013 -جىلى ودان قاشىپ شىققان. كەيىننەن ول ي م كومانديرلەرىنىڭ ءبىرى بولدى جانە ابۋ ومار ءال- وبەيدي دەگەن ەسىمگە يە بولدى، كەيىننەن توپتىڭ اسكەري كەڭەسىنىڭ شتابىن باسقاردى»، دەپ ولتىرىلگەن لاڭكەستىڭ ءومىرباياندىق دەرەكتەرىن كەلتىرگەن تەلەارنا.
بۇدان ءبىر كۇن بۇرىن يراك قورعانىس مينيسترلىگى بارۆاني اۋدانىندا ي م باسپا ءسوز حاتشىسى ابۋ مۇحاممەد ءال- ادناني جويىلعانىن حابارلاعان بولاتىن. الايدا توپ بۇل فاكتىنى جوققا شىعارىپ وتىر، دەپ اتاپ وتەدى PressTV. سوڭعى ايلاردا لاڭكەستەردىڭ باسقا دا كورنەكتى باسشىلارى، مىسالعا ابۋ ءال- وفري جانە بارلاۋ باستىعى ابۋ حاسان اس- ساحابي جويىلدى، دەپ ەسكە سالادى ت ا س س.
