بۇگىن قازاقستان اسكەرلەرى جاۋىنگەرلىك ازىرلىكتىڭ جوعارى دارەجەسىنە كەلتىرىلدى - فوتو
وقۋ دابىلىنىڭ بەلگىسى بويىنشا قارۋلى كۇشتەردىڭ، اسكەر تەكتەرى مەن وڭىرلىك قولباسشىلىق اسكەرلەرىنىڭ بارلىق تۇرلەرى كوتەرىلدى، دەپ حابارلادى ق ر قورعانىس مينيسترلىگىنىڭ باسپا ءسوز قىزمەتىنەن.
وتكىزىلەتىن ساباقتاردىڭ باستى ماقساتى - بەلگىلەنگەن مەرزىمدە قويىلعان تاپسىرمالاردى ورىنداۋدا باسقارۋ ورگاندارى مەن جەكە قۇرامنىڭ ءىس-قيمىل ۇيلەسىمىن ارتتىرۋ.
باس شتابتىڭ پارمەنى بويىنشا قۇرلىق اسكەرلەرىنىڭ توپتاماسى وقۋ-جاتتىعۋ ورتالىقتارى مەن پوليگونداردا وقۋ-جاۋىنگەرلىك تاپسىرمالاردى ورىنداۋعا كىرىستى. اۋە قورعانىسى كۇشتەرىنىڭ قۇرامىنان اۋەگە جاۋىنگەرلىك كەزەكشىلىكتى اتقاراتىن كۇشتەر مەن قۇرالدار كوتەرىلدى، ءارتۇرلى تيپتەگى اۆياتسيالىق تەحنيكا قوزعالتقىشتارىنىڭ ىسكە قوسىلۋى جۇزەگە اسىرىلدى، قوسالقى اۋەايلاقتار پايدالانۋعا دايىندالدى. كورابلگە قارسى، اۋەگە قارسى جانە سۋاستىعا قارسى ديۆەرسيالىق قورعانىس بويىنشا وقۋ تاپسىرمالارىن پىسىقتاۋ ءۇشىن تەڭىزگە اسكەري-تەڭىز كۇشتەرىنىڭ كورابلدەرى شىعارىلدى.
قارۋلى كۇشتەردىڭ توپتاماسىن جالپى باسشىلىققا الۋدى ستراتەگيالىق باسقارۋ ورتالىعىنان ق ر قورعانىس ءمينيسترىنىڭ ءبىرىنشى ورىنباسارى - ق ر ق ك باس شتابىنىڭ باستىعى گەنەرال-پولكوۆنيك ساكەن جاسۇزاقوۆ جۇزەگە اسىردى.
وتكەن جىلعى جەلتوقساننىڭ سوڭىندا ق ر قورعانىس مينيسترلىگىنىڭ باسشىلىق قۇرامىمەن كەزدەسۋدە ق ر قارۋلى كۇشتەرىنىڭ جوعارعى باس قولباسشىسى نۇرسۇلتان نازاربايەۆ اسكەري قىزمەتشىلەرگە قارۋلى شيەلەنىستەردىڭ جاڭا ۇردىستەرى مەن ەرەكشەلىكتەرىن ەسكەرۋ، وسى جىلى ىسكە اسىرىلاتىن كاسىبي، جاۋىنگەرلىك جانە مورالدىق-پسيحولوگيالىق دايىندىقتى ارتتىرۋ جونىندە ۇدايى جۇمىس جۇرگىزۋ تاپسىرماسىن جۇكتەگەن بولاتىن.
قارۋلى كۇشتەردىڭ جاۋىنگەرلىك دايارلىعىنىڭ دەڭگەيىن ساپالى ارتتىرۋ ءۇشىن 2015-جىلى 170 تەن اسا جوسپارلى تەكسەرىس وتكىزىلدى. ونىڭ ىشىندە، 71 ءى - قۇرلىق اسكەرلەرىندە، 17 ءسى اۋە قورعانىسى كۇشتەرىندە، 1 ەۋى - اسكەري-تەڭىز كۇشتەرىندە، 85 ءى باسقالاردا.
بيىلعى جىلى جاۋىنگەرلىك سايىستىڭ «ماڭگىلىك ەل» تۇعىرى - قۋاتتى ارميا!» اتتى جالىندى ۇرانىمەن كەنەتتەن جانە جوسپارلى تەكسەرىس ءىس جۇزىندە جالعاسىن تاۋىپ، ونىڭ قارقىندىلىعى كۇشەيتىلەدى.
