الماتىدا «ماجار ونەر شەبەرلەرىنىڭ تاريحى» اتتى كورمە اشىلدى - فوتو

ونىڭ اشىلۋ سالتاناتىنا ۆەنگريانىڭ الماتىداعى باس كونسۋلى فەرەنتس بلاۋمانن، ۆەنگريانىڭ «كوگارت» قورى قامقورشىلىق كەڭەسىنىڭ ءتوراعاسى پەتەر فەرتەسەگي، سونداي-اق، وتاندىق سۋرەتشىلەر، ونەر قايراتكەرلەرى، ب ا ق وكىلدەرى جانە قالا تۇرعىندارى قاتىستى.

«بۇگىنگى تاڭدا بۋداپەشتە 80 گە تارتا مۇراجاي مەن 100 شاقتى جەكە كورمە زالدارى مەن گالەرەيالار بار. زاماناۋي ماجار ونەرىنىڭ اسا ءىرى جيناقتاماسى «كوگارت» قورىنا تيەسىلى. بۇگىنگى تاڭدا قوردىڭ توپتاماسىندا 2500 دەن استام كارتينا مەن ءتۇپنۇسقا گرافيكالىق تۋىندىلار، كىتاپ يلليۋستراتسيالارى، ەسكيزدەر، نوبايلار، فوتوسۋرەتتەر مەن دياپوزيتيۆتەر جيناقتالعان. بۇگىنگى كورمەنى وسى قوردىڭ بەلسەنە اتسالىسۋىمەن ۇيىمداستىرىپ وتىرمىز. بۇل جەردە باستى ماقسات - زاماناۋي ماجار ونەرىن حالىقارالىق دەڭگەيدە تانىتۋ»، - دەدى ءوز سوزىندە ۆەنگريانىڭ الماتىداعى باس كونسۋلى فەرەنتس بلاۋمانن.

كورمەگە بارلىعى 140 تان استام تۋىندى قويىلدى. ولاردىڭ ىشىندە لايوش سالاي، تيبور چەرنۋش، جۋجا پەرەلي، مارتون تاكاچ، يشتۆان وروس، ميكلوش بورشوش، يمرە كەري، پەتەر پرۋتكاي، جوفيا ۆارگا، ريتا كەشەياك، ريتا كوراليەۆيچ سىندى بەلگىلى ماجار سۋرەتشىلەرىنىڭ كاتينالارى، اكۆارەلدەرى، پەيزاجدارى جانە باسقا دا قىزىقتى سۋرەتتەرى بار.

ايتا كەتەلىك، «كوگارت» - كوۆاچ گابور ارت قورىنىڭ قىسقارتىلعان ءتۇرى. ونىڭ نەگىزىن قالاۋشى - ماجارستاننىڭ ەكونوميكالىق ومىرىندەگى الدىڭعى قاتارلى كوشباسشى، بۋداپەشتەگى سيتيبانكتىڭ بۇرىنعى اتقارۋشى ديرەكتورى ءارى لوندونداعى ستيتيبانكتىڭ ۆيتسە-پرەزيدەنتى گابور كوۆاچ.

«ماجار ونەر شەبەرلەرىنىڭ تاريحى» كورمەسى 2016-جىلدىڭ 8- اقپانىنا دەيىن جۇمىس ىستەيدى.

        

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى