الماتى پوليتسياسى ادام جەگىش تۋرالى جالعان اقپارات تاراتقاندى انىقتادى

بۇل تۋرالى بۇگىن الماتى قالاسىنىڭ ءى ءى د باسپا ءسوز قىزمەتى حابارلادى.

الەۋمەتتىك جەلىلەردە نيكولاي جۇماعاليەۆتىڭ قاشىپ كەتكەندىگى جايلى اقپارات پايدا بولعان سوڭ، كريمينالدى پوليتسيا باسقارماسى كەشەندى ىزدەۋ شاراسىن جۇرگىزدى. سونىڭ ناتيجەسى بويىنشا جالعان اقپاراتتىڭ اۆتورى انىقتالدى. ول الماتى وبلىسىنىڭ جامبىل اۋدانىنداعى ۇزىناعاش كەنتىنىڭ 21 جاستاعى تۇرعىنى بولىپ شىقتى.

«قازىرگى تاڭدا 21 جاستاعى بويجەتكەننەن پوليتسيا بولىمشەسىندە جاۋاپ الىنىپ جاتىر. ول بۇل اقپاراتتى ويدان شىعارعاندىعىن مويىندادى. ونىڭ نە سەبەپتەن مۇنداي ارەكەتكە بارعانى قاساقانا جالعان اقپارات تاراتقاندىق دەرەگى بويىنشا (ق ر ق ك 274- بابىنىڭ 2- تارماعى) باستالعان سوتقا دەيىنگى تەرگەۋ بارىسىندا انىقتالاتىن بولادى.

تاجىريبەگە سۇيەنسەك، مۇنداي فاكتىلەر از ەمەس. وسىعان بايلانىستى، ازاماتتاردىڭ تاعى دا ەسىنە سالعىمىز كەلەدى. قاساقانا جالعان اقپارات تاراتقان ادام ءتيىستى زاڭنامادا كورسەتىلگەنىندەي قىلمىستىق جاۋاپكەرشىلىككە تارتىلادى. بۇل قىلمىس ءۇشىن 5 جىلعا دەيىن باس بوستاندىعىنان ايىرۋ جازاسى قاراستىرىلعان»، - دەدى الماتى ق. كريمينالدى پوليتسيا باسقارماسىنىڭ باسشىسى، پوليتسيا پودپولكوۆنيگى جانبولات زيادين.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى