الماتىدا عالىم ك. قوجاحمەتوۆا تۋرالى قوس كىتاپتىڭ تۇساۋى كەسىلدى
ولار قازاق ەتنوپەداگوگيكاسىنىڭ ءادىسنامالىق نەگىزىن سالۋشى كورنەكتى عالىم كلارا جانتورە قىزى قوجاحمەتوۆا جايىندا جازىلعان.
«بەكزات بولمىس» اتتى ءبىرىنشى كىتاپقا قازاقستان پەداگوگيكالىق عىلىمدار اكادەمياسى، حالىقارالىق پەداگوگيكالىق ءبىلىم بەرۋ عىلىمدارى اكادەمياسى جانە حالىقارالىق پەداگوگيكالىق اكادەمياسىنىڭ اكادەميگى كلارا جانتورە قىزى قوجاحمەتوۆانىڭ تاعىلىمدى عۇمىرى، پەداگوگيكالىق قىزمەتى مەن عىلىمداعى جەتىستىكتەرى تۋرالى ارىپتەستەرى مەن شاكىرتتەرىنىڭ جانە جاقىندارىنىڭ ەستەلىك- جازبالارى ەنگەن.
«پروفەسسور كلارا جانتورە قىزى قوجاحمەتوۆانىڭ عىلىمي مەكتەبى» اتتى ەكىنشى كىتاپتا عالىم ك. ج. قوجاحمەتوۆانىڭ عىلىمي مەكتەبىنىڭ ءمانى مەن مازمۇنى، قۇرىلىمى مەن دامۋ باعىتتارى باياندالادى. سونىمەن قاتار، عالىم شاكىرتتەرى تۋرالى مالىمەتتەر مەن عىلىمي تاقىرىپتارى تۋرالى ماقالالارى بەرىلگەن.
سونداي- اق، بۇگىنگى كونفەرەنتسيا بارىسىندا عالىمنىڭ شاكىرتتەرى عىلىمي جۇمىستارمەن اينالىساتىن ۇزدىك ستۋدەنتتەرگە قولداۋ كورسەتۋ ماقساتىندا قىزدار ۋنيۆەرسيتەتىنىڭ ءبىرىنشى پرورەكتورى باحودير الييەۆكە 20 مىڭ تەڭگەلىك تەگىن سەرتيفيكاتتاردى تابىس ەتتى.
اۆتور: جاپپاربەرگەن ايبوتا
