يران: ساۋد ارابياسى ەلشىلىگىمىزگە شابۋىلدادى
يران مەملەكەتتىك تەلەارنالارىنىڭ حابارلاۋىنشا، زىمىران شابۋىلى سالدارىنان ەلشىلىك كۇزەتشىلەرى جارالانعان. يراننىڭ IRIB تەلەارناسى ەلدىڭ سىرتقى ىستەر مينيسترلىگىنىڭ وكىلى حوسەين انساري جابەردىڭ ساناداعى ەلشىلىك عيماراتى بۇلىنگەنى جانە كەيبىر قىزمەتكەرلەردىڭ زارداپ شەككەنى ءۇشىن ساۋد ارابياسى جاۋاپتى دەگەن مالىمدەمەسىن كەلتىرگەن.
يەمەندە ساۋد ارابياسى باسشىلىعىمەن اسكەري وپەراتسيا جۇرگىزىپ جاتقان بىرلەسكەن كواليتسيا وكىلى Reuters اگەنتتىگىنە سۇحباتىندا، يراننىڭ ايىپتاۋى بويىنشا تەكسەرۋ جۇرگىزىلەتىنىن حابارلاعان. ول وتكەن ءتۇنى ساناعا اۋە سوققىسى بەرىلگەنىن راستاعان، ءبىراق نىساناعا كوتەرىلىسشى حۋسيتتەردىڭ زىمىران قوندىرعىلارى الىنعانىن ايتقان.
بۇعان دەيىن يران بەيسەنبى كۇنى بەس ادامدى مەرت قىلعان اۋە شابۋىلىندا تىيىم سالىنعان كاسسەتالىق بومبالاردى قولداندى دەپ ساۋد ارابياسىن ايىپتاعان. بۇل ايىپتاۋلار ساۋد ارابياسى قاڭتاردىڭ 2 ءى كۇنى شيت ءدىني تۇلعاسى شەيح نيمر ءال-نيمرگە ءولىم جازاسىن ورىنداعاننان كەيىن تاياۋ شىعىستاعى ەلدەردىڭ ءوزارا قاتىناسى شيەلەنىسىپ كەتكەن تۇستا ايتىلىپ وتىر.
ءال-نيمردىڭ قازاسىنان سوڭ تەگەرانداعى ساۋد ارابياسى ەلشىلىگى مەن ەلدىڭ سولتۇستىك-شىعىسىنداعى مەشحەد قالاسىندا ساۋديالىق كونسۋلدىققا شابۋىلدار جاسالعان ەدى.
«ازاتتىق»
