وڭتۇستىك جاستارى «اۋىل» فيلمىن تاماشالادى - فوتو
رولدەردى سومداعاندار - وڭىرگە تانىمال كوڭىلدى تاپقىرلار كلۋبىنىڭ مۇشەلەرى مەن انشىلەرى، جانە ءازىل- سىقاق تەاترىنىڭ ارتىستەرى، دەپ حابارلايدى otyrar.kz.
« Нello اۋىل» دەپ اتالاتىن رومانتيكالىق كومەديادا اۋىلدىڭ تىنىس- تىرشىلىگى مەن ونداعى اۋىل جاستارىنىڭ ءومىرى بەينەلەنگەن. فيلمنىڭ ءون بويىنان اۋىلدىڭ تاماشا تابيعاتى مەن مامىراجاي ءومىرى كورىنىس تاپقان. جاستاردىڭ ءازىل- قالجىڭى دا بار.
قالادا وسكەن جىگىتتىڭ ەندى اۋىلعا كەلگەن بەتى. ءالى مامىراجاي تىرشىلىككە ۇيرەنبەگەن مۇعالىمنىڭ بار ويى اۋىلدى كوركەيتۋ. «ديپلوممەن - اۋىلعا» باعدارلاماسى بويىنشا جۇمىس ىستەپ، شاكىرت تاربيەلەۋ. ءسويتىپ ءجۇرىپ، اۋىلداعى ەڭ سۇلۋ قىزعا عاشىق بولادى. مىنە، فيلمنىڭ بارلىق وقيعا جەلىسى وسىلاي باستالادى.
باستى ءرولدى سومداعان - «مۇنارلان» توبىنىڭ بۇرىنعى ءانشىسى باعلان جولداسوۆ. بۇعان دەيىن «قىز جولى» اتتى تەلەسەريالعا ءتۇسىپ، ازداپ تاجىريبە جيناقتاعان مۋزىكانت ءۇشىن بۇل - ەڭ ۇلكەن رول. حور ديريجەرى بويىنشا ءبىلىم العان ءانشى وسىلايشا باعىن كينو سالاسىندا سىناپ كورۋگە بەكىنىپتى.
بۇل كوركەم تۋىندىنى تۇسىرۋگە دايىندىق 2015 - جىلدىڭ كۇزىندە باستالعان. سسەناري جازىلىپ، رولدەردى سومدايتىن ارتىستەرگە كاستينگ جاريالاندى. جۇزدەگەن ۇمىتكەر وڭتۇستىكتىڭ جاستارى تۋرالى تۇسىرىلەتىن فيلمدە نەگىزگى ءرولدى سومداۋعا تالپىندى. باقتارىن سىنادى. كومەديالىق جانرداعى كوركەم تۋىندىنىڭ رەجيسسەرى شاپاعات ورىنبايەۆ بولسا، پروديۋسەرى - باقبەرگەن اسانبايەۆ.
وسىلايشا ءساتتى تاڭدالعان ارتىستەردەن قۇرالعان كوماندامەن ءتۇسىرۋ جۇمىستارى باستالىپ تا كەتتى. كوركەم تۋىندى تولە بي اۋدانى، قاسقاسۋ اۋىلىندا بىرنەشە اي بويى ءتۇسىرىلدى. فيلمگە 5, 5 ميلليون تەڭگە بولىنگەن.
فيلمنىڭ تۇساۋكەسەرىنە جينالعان جاستاردىڭ قاراسى كوپ. زال ادامدارعا لىق تولى. ءتىپتى ورىندارىنان تىك تۇرىپ، تاماشالاعاندار دا بار. وبلىستىق جاستار ورتالىعىنىڭ تاپسىرىسىمەن تۇسىرىلگەن فيلم ەندى وڭىرىمىزدەگى بارلىق ءبىلىم وشاقتارى مەن وقۋ ورىندارىندا كورسەتىلەتىن بولادى.
جاستار ورتالىعىنىڭ ديرەكتورى ەرلان ايتبايەۆتىڭ ايتۋىنشا، تالانتتى جاستاردى قولداپ، وڭىرىمىزدە كينويندۋستريا سالاسىن دامىتۋعا باعىتتالعان يگى شارالار ءالى جالعاسىن تابادى.
