اقتاۋعا اققۋلار ۇشىپ كەلدى - كەسكىن

ەكى-ءۇش كۇننەن بەرى 14 شاعىناۋدان تۇسىنداعى تەڭىز جاعاسىندا ءبىر توپ اققۋ پايدا بولدى، دەپ حابارلايدى lada.kz.

اقتاۋ تۇرعىندارى بيىلعى جىلى اققۋلاردىڭ كەشىگىپ كەلگەنىن ايتادى. ولار قۇستاردى تاعاتسىزدانا كۇتكەن.

قالا تۇرعىندارىنىڭ ءبىرى ەكاتەرينا شەپەليەۆا جىل سايىن اققۋلاردى تاماقتاندىرۋ ءۇشىن 14- شاعىناۋدان تۇسىنداعى تەڭىز جاعاسىنا كەلەدى. «ءبىزدىڭ وتباسىمىز ءۇشىن بۇل داستۇرگە اينالدى»، - دەيدى ول.

ال ءابىلحايىروۆتار جانۇياسى بولسا، اققۋلاردىڭ كەلگەنىن 6- قاڭتاردا بىلگەن. ولاردىڭ پىكىرىنشە، اۋا رايىنداعى وزگەرىستەر قۇستاردىڭ كەش كەلۋىنە سەبەپ بولعان.

«ادەتتە، اققۋلار اقتاۋعا جەلتوقساندا ۇشىپ كەلەدى، وندا دا سۋىق بولسا عانا. بيىلعى جىلى اۋا رايى جىلى. شاماسى ولار وسىعان بايلانىستى كەشتەتىپ كەلگەن بولار.

تاعى ءبىر بايقاعانىم، اققۋلار سانى جىل وتكەن سايىن ازايىپ بارادى»، - دەيدى نۇربولات ءابىلحايىروۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى