قازاقستاندىق سيقىرشى گيننەستىڭ رەكوردتار كىتابىنا ەندى

رۋسلاننىڭ سيقىر الەمى سىرىن ۇعىپ، تىلسىممەن تىلدەسكەنىنە بەس جىل. لاقاپ اتى - مانكاردي. فوكۋستى عالامتور ارقىلى ۇيرەنىپ، وزدىگىمەن شەبەرلىگىن شىڭداعان. ەڭبەگى ەش كەتپەدى. جۋىردا يتاليادا بىرنەشە ساعات بويى ۇزدىكسىز سيقىر كورسەتكەنى ءۇشىن گيننەستىڭ رەكوردتار كىتابىنا ەندى.

«2015-جىلى قازاقستاندىق ءبىر توپ سيقىرشى يتالياداعى سيقىرشىلاردىڭ چەمپيوناتىن تاماشالاۋعا باردىق. ءبىر ورىندا تاپجىلماي، رەكورد ورناتۋعا ىرىكتەۋ بولىپ جاتىر ەكەن. مەن تاۋەكەل ەتىپ، بەل بۋدىم. 5 ساعات بويىنا ءۇزىلىسسىز ونەر كورسەتتىم. وسىلايشا ويدا جوقتا گيننەستىڭ رەكوردتار كىتابىنا كىردىم»، - دەيدى سيقىرشى رۋسلان يۆانچەنكوۆ.

قازاقستاندا سىرى مول سيقىر سالاسى دامۋدىڭ ءبىر سوقپاعىنا تۇسپەگەن. ءبىراق رۋسلان وزىمىزدە دە الەمگە ايگىلى گارري گۋدينيلەردىڭ شىعاتىنىنا سەنىمدى. ماسەلەن، بىرنەشە جىل بۇرىن قۇرىلعان فوكۋسشىلار كلۋبىنىڭ ازىرگە 36 مۇشەسى بار. رۋسلاننىڭ ايتۋىنشا، ءار سيقىرشى فوكۋستىڭ سىرىن ەشقاشان اشپاۋعا ءوز-وزىنە سەرت بەرەدى. بۇل - كۇن سايىن تالماي ەڭبەكتەنۋدى تالاپ ەتەتىن سالا.

رۋسلاننىڭ نەگىزگى جۇمىسى عارىشپەن بايلانىستى. ول - ينجەنەر. دەگەنمەن ءۇش قايناسا سورپاسى قوسىلمايتىن قوس سالانى قاتار تىزگىندەگەن. ءبىزدىڭ كوز الدىمىزدا الاقانداعى كارتانى جوق قىلدى، دەپ حابارلايدى 24.kz.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى