سايلاۋدان ءوزىنىڭ كانديداتۋراسىن الىپ تاستادى
«مەن ف ي ف ا پرەزيدەنتى ورىنتاعىنا دودادان شىعامىن»، - دەپ مالىمدەدى پلاتيني. ونىڭ ايتۋىنشا، بۇدان ءارى باسقا ۇمىتكەرلەرمەن تەڭ دارەجەدە كۇرەسۋىنىڭ مۇمكىندىگى جوق.
«پلاتيني سپورتتىق تورەلىك سوتىندا (CAS) ءوز ەسىمىن اقتاپ الۋعا ۇمىتتەنەتىنىن اتاپ كورسەتتى. ول سوڭعى ءۇش اي ءوزى ءۇشىن قيىن كەزەڭ بولدى دەپ سانامايدى. «مەن بۇعان فيلوسوفيالىق تۇرعىدان قارايمىن: كۇتەيىك، نە بولاتىنىن، سوسىن كورەرمىز. ادىلەتسىزدىك ماعان جات، مەن ونىمەن كۇرەسۋگە تىرىسامىن»، - دەدى سپورت شەنەۋنىگى.
21- جەلتوقساندا ف ي ف ا- نىڭ ەتيكا جونىندەگى تورەلىك كوميتەتى پلاتينيدى ۇيىم پرەزيدەنتى يوزەف بلاتتەرمەن بىرگە فۋتبول قىزمەتىنەن سەگىز جىلعا الاستادى.
بلاتتەر مەن پلاتينيدەن سىبايلاس جەمقورلىققا ايىپتاۋلار الىنىپ تاستالدى، دەگەنمەن ولار ف ي ف ا ەتيكاسى كودەكسىنىڭ تارماقتارىنداعى باسقا دا بۇزۋشىلىقتارعا كىنالى دەپ تانىلدى. ولاردىڭ اراسىندا ۇسىنىستار جانە سىيلىقتار قابىلداۋ، مۇددەلەر جانجالى، جالپى منەز-قۇلىق ەرەجەلەرى بار. شەنەۋنىكتەر ەندى سپورتتىق تورەلىك سوتىنا اپەللياتسيا بەرۋلەرىنە قۇقىلى.
قازان ايىنىڭ باسىندا ف ي ف ا- نىڭ ەتيكا جونىندەگى كوميتەتى بلاتتەر مەن پلاتينيدى قىزمەتتەرىنەن بوساتۋ جانە 90 كۇنگە دەيىن كەز كەلگەن فۋتبول قىزمەتىنەن الاستاۋ جونىندە شەشىم قابىلداعان بولاتىن. وسى شەشىمگە دەيىن پلاتيني 2016-جىلدىڭ 26- اقپانىنا جوسپارلانعان ف ي ف ا پرەزيدەنتى سايلاۋىنا قاتىسۋعا ءوتىنىم بەرگەن.
سايلاۋ كوميسسياسى ودان بارلىق سانكسيالار الىنىپ تاستالمايىنشا فرانسۋزدىڭ كانديداتۋراسىن قارامايتىندىعىن مالىمدەدى، دەپ حابارلادى لەنتا. رۋ.
