قان توبى ءسىز تۋرالى ءسىز ويلاعاننان دا كوپ ماعلۇمات بەرەدى
قاننىڭ نەگىزگى 4 توبى بار. ولاردىڭ ىشىندە ەڭ كوپ تاراعانى - ەكىنشى توپ. سىزدە قانداي توپ ەكەنىن ءبىلۋ اسا ماڭىزدى.
سەبەبى، اياق استىنان بىرەۋگە قان قۇيۋ كەرەك بولعان جاعدايدا سەنىمدى بولۋىڭىز قاجەت. سوندىقتان، اسكەريلەردىڭ كيىمدەرىندە قان توبى مەن رەزۋس- فاكتوردىڭ وڭ- تەرىسىن بىلدىرەتىن جازۋ بولادى، ال، ءتولقۇجاتىنا ارنايى ءمور باسىلادى.
I توپ
بۇل نەاندەرتالدىقتار داۋىرىنەن بەرى ساقتالىپ قالعان كونە قان توبى. سول داۋىردە ادامدار كوبىنە جانۋارلاردىڭ ەتىمەن تاماقتاناتىن بولعان. سول سەبەپتى، اقۋىزعا تولى ەت ەم- ءدامى ءدال وسى قان توبى بار جاندارعا جاقسى كەلەدى.
I توپتاعى ادامدار - بولمىسىنان كوشباسشى. ولاردىڭ بەلگىلى ءبىر جايتتى الدىن الا بولجاپ ءبىلۋى كەز كەلگەن قيىندىقتان كەدەرگىسىز شىعۋعا مۇمكىندىك بەرەدى. تەك بۇل ادامداردىڭ جاۋاپكەرشىلىگى تومەن كەلەدى.
سوندىقتان، بۇل توپتاعى ادامدار جەتىستىككە جەتكىسى كەلسە، ءدال وسى كەمشىلىكتى قولعا العانى ءجون. I توپتىڭ ادامدارى بەلسەندى قوزعالۋى كەرەك. بۇل ولاردىڭ ۇزاق ءومىر سۇرۋىنە كومەكتەسەدى.
II توپ
II توپ كەيىنىرەك پايدا بولدى. بۇل كەزدە ادامدار ەگىنشىلىكپەن اينالىسا باستاعان. سوندىقتان دا، بۇل توپتاعى ادامدار ءتۇرلى تاماقتانۋ راتسيونىندا وزدەرىن جاقسى سەزىنەدى. ولار كەز كەلگەن قيىندىققا تەز بەيىم كەلەدى، ءارى داۋكەس ەمەس.
سونداي- اق، II توپتىڭ ادامدارى كىممەن بولسىن تەز ءتىل تابىسىپ كەتەتىن، ءتۇرلى ءتىل بىلەتىن جاندار. ادەتتە، بۇل توپتاعى ادامداردىڭ كوزى مەن جۇرەگىندە اقاۋ بولادى. سونداي- اق، باۋىر جۇمىسىنا دا بەي- جاي قاراماعان ابزال.
III توپ
III توپ جەر بەتى سۋىق اۋا رايىنا كوشە باستاعان كەزدە پايدا بولعان. اپتاپ ىستىقتان بىردەن سۋىق اتموسفەراعا اۋىسقان كەزدە، قاننىڭ قۇرامىنا وزگەرىس ەنەدى، مۋتاتسيا باستالادى. بۇل توپتاعى ادامداردىڭ ەرەكشەلىگى سول، ولار شەكتەن تىس ءتوزىمدى كەلەدى.
ولار اسقان زەرگەر جانە بىلىكتى حيرۋرگ بولا الادى. سونداي- اق، ءومىرى ىستەپ كورمەگەن ءىستى كەرەمەت تىندىرا الاتىن قاسيەتكە يە. III توپتىڭ ادامدارى اسقازان جانە ينفەكتسيالىق اۋرۋلارعا شالدىققىش كەلەدى.
IV توپ
IV توپ - ەڭ سيرەك كەزدەسەتىن ءارى جاڭا قان توبى. ول شامامەن 1000 جىل بۇرىن پايدا بولعان. IV توپتاعى ادامداردىڭ يممۋنيتەتى مىقتى، ەندى جۇققان ءتۇرلى اۋرۋعا توتەپ بەرە الادى. الايدا، ولار ەستۋ مۇشەسى، تەرى، بۋىن جانە سۇيەك اۋرۋلارىنان زارداپ شەگۋى مۇمكىن. عالىمدار مەن ونەرتاپقىشتاردىڭ دەنىندە وسى قان توبى.
