جولعا شىققاندا باس اينالماس ءۇشىن نە ىستەۋ كەرەك؟

  ورتا عاسىرلاردا تەڭىزشىلەردىڭ بۇل جاعدايعا كوندىككەننەن باسقا امالدارى بولمادى. بۇگىنگىدەي تەحنيكا دامىعان زاماندا ءبىز بۇل جاعدايعا ءجيى ۇشىرايمىز. سەبەبى، اۆتوكولىك، اۆتوبۋس، پويىز، ۇشاق جانە وزگە دە قوزعالىس كولىگى ادامنىڭ جۇرەگىن كوتەرىپ، لوقسۋعا الىپ كەلەدى. الايدا، بۇگىندە بۇل دەرتپەن كۇرەسۋ جولدارى بارشىلىق.

باس اينالۋ نەدەن بولادى؟

دەنەدەگى ۆەستيبۋليارلى اپپارات ادامنىڭ كولىكتەگى جاعدايىن حابارلاپ، ۆيزۋالدى بەلگىلەردى قابىلدايتىن مي بولىگىن «شاتاستىرادى». ناتيجەسىندە ولار بىركەلكى ەمەس، ءارقايسىسى ءوز بەتىنشە جۇمىس ىستەي باستايدى. ءدال وسى قاراما- قايشىلىق ادامنىڭ باسىن اينالدىرىپ، لوقسىتادى.

باس اينالعاندا ادام ءوزىن قالاي ۇستاعانى ءجون؟

باس اينالىپ، كەۋدە كوتەرىلگەنىن باسۋ ءۇشىن بىرنەشە قاراپايىم قوزعالىس جاساۋ جەتكىلىكتى. الدىمەن، باسىڭىزدى كولىك ورىندىعىنىڭ ارقالىعىنا از قوزعالاتىنداي شالقايتىڭىز. ەكىنشىدەن، دەمىڭىزدى ءبىر قالىپتى ۇستاڭىز. ءار دەم الىسىڭىزدى ساناپ، جايسىز جايتتى ويلاماۋعا تىرىسىڭىز.

اۋەن

ءبىر قىزىعى، «تەڭىز دەرتىنەن» ارىلۋعا اسەم ءان تىڭداۋ دا كومەكتەسەدى. سەبەبى، مي اۋەننىڭ راحاتىنا بولەنىپ وتىرعاندا، ونىڭ باس اينالۋ تۋرالى ويلاۋعا «شاماسى» بولمايدى. سوندىقتان، جولعا شىعاردا پلەەر الىپ ءجۇرۋدى ۇمىتپاڭىز.

بەيىمدەلۋ

 ءبىزدىڭ اعزامىز كەز كەلگەن جاعدايعا بەيىم كەلەدى. جولعا نەعۇرلىم كوپ شىقساڭىز، دەنەڭىزدەگى ۆەستيبۋليارلى اپپارات سول جاعدايعا بەيىمدەلىپ، قالىپقا كەلە باستايدى. الەمدە جولدا باس اينالۋ دەرتى بولمايتىن نەبارى 5 پايىز عانا ادام بار.

انتيگيستاميندەر

انتيگيستاميندى پرەپاراتتاردىڭ ءبىرقاتارى «تەڭىز دەرتىن» ەمدەۋگە قولدانىلادى. ولار لوقسۋدى باسىپ، ورگانيزمنىڭ جاڭا جاعدايعا بەيىمدەلۋىن تەزدەتەدى.

پلاتسەبو

 وسىلاي اتالاتىن گومەوپاتيكالىق دارىلەر دە جولعا شىققاندا ءجيى پايدالانىلادى. ولار قۇرامىنداعى پلاتسەبونىڭ اسەرىمەن عانا جۇمىس ىستەيدى. سەبەبى، بۇل دارىدە وزگە زات جوق.

 اكۋپۋنكتۋرلى بىلەزىك

 بۇل بىلەزىكتەر اكۋپۋنكتۋرلى مەديتسينانىڭ وتانى -  قىتايدا پايدا بولعان. ولار شىنىمەن دە كومەكتەسەدى، ءبىراق، ۋاقىت كەرەك. بىلەزىك اسەر ەتۋى ءۇشىن 40 مينۋت كۇتەسىز.

پلاستىر

 جولعا شىعار الدىندا ءدارىحانادان باستىڭ اينالۋىنا قارسى ارنايى پلاستىر ساتىپ الساڭىز بولادى. پلاستىردەگى گەلدىڭ قۇرامىندا ءزىمبىر مەن جالبىزدىڭ سىعىندىسى بار. ول جۇيكە جۇيەسىنە اسەر ەتىپ، تىنىشتاندىرادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى