الماتىدا مايمىلدار قىمبات باعامەن ساتىلىپ جاتىر
بۇل تۋرالى almaty.tv حابارلادى، دەپ جازادى egemen.kz.
بۇگىندە زوو دۇكەندەردىڭ بيزنەسى قىزىپ تۇر. باعاسى كولىكتىڭ قۇنىمەن پارا- پار مايمىلداردى قالتالىلار جاپپاي ساتىپ الۋدا.
الماتىداعى زوو دۇكەندەردىڭ بىرىندەگى توعىز ايلىق مەشىن افريكا قۇرلىعىنان جەتكىزىلگەن. مايمىلداردىڭ «لورري» دەگەن تۇقىمىنا جاتادى. دۇكەن ساتۋشىلارىنىڭ ايتۋىنشا، 8 مايمىل ءبىر اي ىشىندە ساتىلعان. مۇنىڭ قۇنى شامامەن 320 مىڭ تەڭگەنى قۇرايدى.
«بۇل مايمىل كوبىنە تۇندە تاماعىن تاۋىپ جەپ، قىدىرعاندى قالايدى. جالپى، ساتىلىمعا تۇسكەن مايمىلداردىڭ ىشىندە «لورري» ەڭ ارزانى. جۇدىرىقتاي عانا «يگرۋنكا» اتتى مايمىلدىڭ قۇنى 1500 دوللار. ۇرعاشى- ەركەگىن بىردەي ءبىر ميلليون تەڭگەگە جۋىق اقشاعا ساتىپ العان تۇرعىن جاسىل قاعازداردى سىتىرلاتىپ ساناپ بەردى»، - دەدى دۇكەن ساتۋشىسى.
ال الماتى قالاسىنىڭ تۇرعىنى ولگا اندرەيانوۆا: «بىرىنشىدەن - مەشىن جىلى. مەشىن جاقسىلىق اكەلەدى دەگەن ىرىمعا سەنەمىز. ەكىنشىدەن - بالالارىما سىيلاعىم كەلەدى. ۇشىنشىدەن - بىزدە ءوزىمىزدىڭ كىشىگىرىم ءتالىمباعىمىز بار. سوندىقتان مىنا كىشكەنتاي مايمىلدىڭ ەكەۋىن الدىم»، - دەيدى.
ايتا كەتەيىك، بيزنەسى ءجۇرىپ تۇرعان دۇكەن يەسى ساتىپ الۋشىلارعا مايمىلداردى كۇتىپ- باپتاۋدىڭ ءادىسىن ۇيرەتىپ بەرەدى. «مايمىل وتە نازىك، سوندىقتان ونى اسىراۋ ءۇشىن الدىمەن جاعداي جاساۋ كەرەك. تاماق تالعامى دا جوعارى، ءجيى وزگەرتىپ تۇرۋ كەرەك. جاندىكتەردى دە جەگىزگەن جاقسى. ياعني، تابيعي جاراتىلىسىنداعى تاعامدارىن بەرۋگە تىرىسۋ كەرەك. ولاردىڭ اينالاسىنا دەگەن قىزىعۋشىلىعى وتە جوعارى»، - دەدى زوو دۇكەنىنىڭ ساتۋشى- كەڭەسشىسى ەلەنا پوتاپەنكو.
افريكا ەلدەرىنەن باسقا مالازيالىق مايمىلدارعا دا سۇرانىس جوعارى. سۇرانىستىڭ كوپتىگىنەن مايمىلداردى اكەلىپ ۇلگەرە الماي جاتقاندارىن ايتادى ساتۋشىلار. «لاپۋندەر» -2500، «ياۆاندىق ماكاكا» -2800، «بەلارۋسستىق قىزىل مەشىننىڭ قۇنى» - 5000 دوللاردان اسىپ تۇسەدى ەكەن. ال ۇيلەرىندە يت پەن مىسىق اسىراۋدان جالىعا باستاعان جاندار سوڭعى كەزدە قۇنىنىڭ قىمباتتىعىنا قاراماستان، تاڭسىق اڭداردى اسىراۋعا كوشكەن.
https://kaztv.kaztrk.kz
