اسكەري زەينەتكەرلەر تولىق مەملەكەتتىك زەينەتاقىمەن قامسىزداندىرىلادى - ق ر قورعانىس مينيسترلىگى
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
بۇل رەتتە اسكەري قىزمەتشىلەر جەكە زەينەتاقى شوتتارىنداعى جيناقتالىمنىڭ 50 پايىزىن مەملەكەتتىك بيۋدجەتكە قايتارادى.
مەملەكەت اۋدارىپ وتىرعان جيناقتالىمنىڭ جارتىسىن قولدانىستاعى اسكەري قىزمەتشىلەر، تولىق ەمەس كولەمدە زەينەتاقى تولەمدەرىن الىپ جۇرگەندەر، 1998 - جىلعى 1 - قاڭتاردان كەيىن قىزمەتكە العاش رەت ورنالاسقاندار مەن 2016 - جىلعى 1 - قاڭتارعا دەيىن زەينەتاقى الۋعا قۇقىلى ادامدار قايتارۋى قاجەت.
زەينەتاقىسى تولىق كولەمدە ەسەپتەلگەن قولدانىستاعى اسكەري زەينەتكەرلەرگە مۇنىڭ قاتىسى جوق. ولار بەلگىلەنگەن زەينەتاقى تولەمدەرىن الۋدى ءارى قاراي جالعاستىرا بەرەدى.
مەملەكەتتىك زەينەتاقىنى تولىق كولەمدە الۋ ءۇشىن مىندەتتى زەينەتاقى جارنالارىنىڭ 50 پايىزىن قايتارۋ كەزىندە تولىق كولەمدە جەتكىزە وتىرىپ، 2016 - جىلعى 1- قاڭتارعا دەيىن تولىق ەمەس كولەمدە تاعايىندالعان ەڭبەك ءوتىلى ءۇشىن زەينەتاقى تولەمدەرىن قايتا ەسەپتەۋ جۇرگىزىلەدى.
«ءسوزسىز، اسكەري قىزمەتشىلەردىڭ مەملەكەتتىك بيۋدجەتتەن زەينەتاقىنى تولىق كولەمدە الاتىنى دۇرىس شەشىم. مەن - قولدانىستاعى زەينەتكەرمىن. الايدا، زەينەتاقىنى تولىق ەمەس كولەمدە الىپ ءجۇردىم. سەبەبى، 1998 -جىلعى 1- قاڭتارداعى ەڭبەك ءوتىلىم شامامەن 5 جىل بولاتىن. ەندى قايتا ەسەپتەۋدەن كەيىن مەنىڭ زەينەتاقىم ەكى ەسەلەندى، ياعني 60 000 تەڭگەدەن 123000 تەڭگەگە دەيىن ۇلعايدى. بارلىق وسى وزگەرىستەردىڭ ارقاسىندا اسكەري قىزمەتشىلەر زەينەتتى دەمالىسقا شىعار كەزدە لايىقتى زەينەتاقى الادى دەپ ويلايمىن»، - دەدى زاپاستاعى مەديتسينالىق قىزمەتىنىڭ پودپولكوۆنيگى سەرىك سادىروۆ.
قولدانىستاعى زاڭناماعا سايكەس اسكەري قىزمەتشىلەر شارتتى تۇردە 3 ساناتقا بولىنگەنىن ايتا كەتكەن ءجون. ءبىرىنشى سانات - 1998 - جىلعى 1 - قاڭتاردا 10 جىل جانە ودان دا كوپ ەڭبەك ءوتىلى بارلارى. ولار مەملەكەتتىك بيۋدجەتتەن ەڭبەك ءوتىلى ءۇشىن تولىق كولەمدە زەينەتاقى تولەمدەرىمەن قامتاماسىز ەتىلەدى. ولاردىڭ زەينەتاقىسى اقشالاي ۇستالىمنىڭ شامامەن % 50-65 قۇرايدى. ەكىنشى سانات - 1998 -جىلعى 1 - قاڭتاردا ەڭبەك ءوتىلى 10 جىلدان كەم اسكەري قىزمەتشىلەر. ولار تولىق ەمەس كولەمدە مەملەكەتتىك بيۋدجەتتەن جانە اقشالاي ۇستالىمنان %20 كولەمىندە جۇرگىزىلگەن زەينەتاقى جيناقتالىمدارى ەسەبىنەن زەينەتاقى تولەمدەرىمەن قامتاماسىز ەتىلەدى. بۇل ساناتتاعىلاردىڭ زەينەتاقىسى 1998 - جىلعى 1 - قاڭتارعا دەيىنگى جالپى ەڭبەك ءوتىلى بويىنشا تاعايىندالادى. ءۇشىنشى سانات - %61 قۇرايتىن ەڭ كوپ ساندى اسكەريلەر.
ياعني، 1998 - جىلعى 1 - قاڭتاردان كەيىن قىزمەتكە ورنالاسقاندار. ولار زەينەتكە شىققاندا % 20 كولەمىندە زەينەتاقى جيناقتالىمدارىنان عانا زەينەتاقى الا الادى. مەملەكەت ەسەبىنەن ولار زەينەتاقى المايدى. ولاردىڭ زەينەتاقىسىنىڭ ورتاشا كولەمى 3-5 مىڭ تەڭگەنى قۇرايدى. تولىق مەملەكەتتىك زەينەتاقىمەن قامسىزداندىرۋعا كوشىرۋ اسكەري قىزمەتشىلەردىڭ اتالعان ساناتى ءۇشىن وتە ماڭىزدى، ويتكەنى، ولار ەڭ تومەنگى زەينەتاقى تولەمدەرىن الۋشى ەدى. ەندى اسكەري قىزمەتتە شەكتى جاسقا جەتكەننەن كەيىن، دەنساۋلىق جاعدايى نەمەسە ۇيىمدىق- شتاتتىق ءىس- شارالار بويىنشا ەڭبەك ءوتىلى 25 جىل نەمەسە جالپى ەڭبەك ءوتىلى 25 جىل (ونىڭ ىشىندە 12 جىل 6 ايى ۇزدىكسىز اسكەري قىزمەت) بولعان كەزدە بارلىق اسكەري قىزمەتشىلەر مەملەكەتتىك بيۋدجەتتەن تولىق كولەمدە ەڭبەك ءوتىلى ءۇشىن زەينەتاقى تولەمدەرىن الاتىن بولادى.
