قازاقستاندا اسكەري ەڭ تانىمال ماماندىقتار بەلگىلى بولدى
اسكەري ءبىلىم بەرۋ سالاسىندا ەلەۋلى وزگەرىستەر پايدا بولدى. اسكەري كافەدرالاردا جاڭا ەرەجەلەر ەنگىزىلدى جانە 26 ماماندىق بويىنشا قىز بالالاردى ىرىكتەۋ باستالدى، بارلىق وقۋ ورىندارىندا قابىلداۋ جونىندە جاڭا قاعيدالار بەكىتىلدى، جاڭا پسيحولوگيالىق تەستىلەر ەنگىزىلدى.
سونىمەن قاتار، اسكەري ءبىلىم بەرۋدىڭ ەرەكشەلىكتەرىن ەسكەرە وتىرىپ، كرەديتتىك تەحنولوگيا بويىنشا وقىتۋعا كوشۋ جۇزەگە اسىرىلدى. قازىرگى ۋاقىتتا قازاقستاندا باكالاۆريات باعدارلاماسى بويىنشا اسكەري مامانداردى دايارلاۋدى جۇزەگە اسىراتىن ءۇش اسكەري جوعارى وقۋ ورنى بار.
ول - قۇرلىق اسكەرلەرىنىڭ اسكەري ينستيتۋتى، راديو ەلەكترونيكا جانە بايلانىس اسكەري- ينجەنەرلىك ينستيتۋتى، كەڭەس وداعىنىڭ ەكى مارتە باتىرى ت. بيگەلدينوۆ اتىنداعى اۋە قورعانىسى كۇشتەرىنىڭ اسكەري ينستيتۋتى.
2015-جىلى وسى ءۇش اسكەري وقۋ ورنىن 700 گە تارتا تۇلەك ءبىتىرىپ شىقتى. ەڭ تانىمال جانە سۇرانىسقا يە ماماندىقتار «كوماندالىق تاكتيكالىق موتواتقىش اسكەرلەرى» (ق ءا ءا ي)، «اۋە كەمەلەرىن پايدالانۋ» (كوماندالىق تاكتيكالىق ارميالىق اۆياتسيا) (ا ق ك ءاي)، «بايلانىس جەلىلەرى جانە كوممۋتاتسيا جۇيەلەرى» (ءرەجباي) بولدى. وقۋدى ءتامامداعاننان كەيىن قازاقستاندىق اسكەري جوعارى وقۋ ورىندارىنىڭ تۇلەكتەرى اسكەرلەرگە جىبەرىلدى.
350 گە تارتا جاس لەيتەنانت قۇرلىق اسكەرلەرى، 250-گە جۋىعى اۋە قورعانىسى كۇشتەرى جانە 20 شاقتىسى اسكەري-تەڭىز كۇشتەرىنىڭ قاتارىن تولىقتىردى. قالعاندارى ق ر قارۋلى كۇشتەرىنىڭ ءارتۇرلى قۇرىلىمدىق بولىمشەلەرىنە قىزمەت ەتۋگە اتتاندى. ودان باسقا، 2015-جىلى رەسەي، بەلارۋس، ۋكراينا، ءۇندىستان، ا ق ش، تۇركيا جانە ۇلى بريتانيا شەتەل اسكەري جوعارى وقۋ ورىندارىنىڭ 90 عا جۋىق تۇلەگى دە قازاقستاندىق ارميادا قىزمەت ەتۋگە ورنالاستى.
