كەلەشەكتە ۇيلەر قانداي بولادى؟- فوتو

 ⅩⅩ عاسىردا راديو مەن تەليەۆيزيانىڭ دامۋى ادامزات تاريحىنداعى ەڭ ءىرى «سىلكىنىستەردىڭ» ءبىرى بولسا، ХХІ عاسىردا عالامتوردىڭ دامۋىمەن جاڭا ارناعا باعىت الدى. تەحنولوگيانىڭ دامىعان زامانىندا كۇن ساناپ جاڭالىقتار اشىلىپ، كۇن ساناپ وزگەرىستەر ورىن الۋدا. ءبىر جىل بارماعان قالاڭىزدىڭ كەلەر جىلى قاتتى وزگەرگەنىن ايقىن اڭعاراسىز.

بۇگىندە الىپ قالالارعا كورىك بەرىپ تۇرعان نىسانداردىڭ ءبىرى - ءزاۋلىم عيماراتتار. وسىدان 50  جىل بۇرىنعى قۇرىلىس جۇمىستارى مەن قازىرگى قۇرىلىس جۇمىستارىن سالىستىرۋعا كەلمەيدى. ال كەلەشەكتە تاعى قالاي وزگەرەتىنىن بولجاپ ايتا المايمىز. دەسە دە كەلەشەكتە ادامدار قازىرگى الىپ قالالاردان الىستاپ، جانىنا جايلىلىق ءۇشىن شەت اۋدانداردا ءومىر سۇرۋگە اسىعادى دەگەن بولجامدار بار. سول ماقساتتا كەلەشەكتە ۇيلەر جىلجىمالى ءارى كوشۋگە قولايلى بولۋ ءۇشىن ىڭعايلى جاسالۋى مۇمكىن. وسى ورايدا نازارلارىڭىزعا كەلەشەكتە ۇيلەر وسىنداي بولۋى مۇمكىن دەگەن ماقساتتا جاسالعان جوبالاردى ۇسىنامىز.

اينەكتەن جاسالعان ءۇي

 «Photon Spacە» دەپ اتالاتىن ءۇي كەلەشەكتە ۇلكەن سۇرانىسقا يە بولۋى مۇمكىن. اينەكتەن جاسالعان ءۇيدى كەز كەلگەن جەرگە قۇرۋعا بولادى. ال ءۇي اينەكتەرى كۇن ساۋلەسىمەن كەلەتىن رادياتسيانىڭ %63  ىن قورعاپ قالادى. ءۇيدىڭ ىشكى بولىگىن وزگەلەر كورە المايتىنداي ەتىپ تە جاساي الاسىز. ارنايى پۋلت نەمەسە سمارتفونعا ورناتىلعان باعدارلاما كومەگىمەن اينەك ءۇيدىڭ سىرتقى ءتۇسىن وزگەرتۋگە بولادى.

لوندوندىق ارحيتەكتورلار جاساپ شىعارعان ءۇي الداعى جىلدارى 330-410 مىڭ ا ق ش دوللارى شاماسىندا ساتىلماق.

اليۋمينيدەن جاسالعان ءۇي

  «ALPOD» دەپ اتالاتىن ءۇي كەلەشەكتە ىڭعايلى ءارى جەڭىل بولۋى ناتيجەسىندە ۇلكەن سۇرانىسقا يە بولادى دەپ كۇتىلۋدە. ال تەرەزەلەرى جوعارى بولىگىندە ورنالاسادى. سونداي- اق ءۇي ءىشىنىڭ جوباسىنا اسحانا، جاتىن بولمەسى، قوناق بولمەسى مەن دارەتحانا ەنگەن.

اليۋمينيدەن جاسالعان ءۇي 2016 -جىلى ساتىلىمعا شىقپاق. «Aluhousە» كومپانياسىنىڭ اتقارۋشى ديرەكتورى ەريك كۆوننىڭ ايتۋىنشا، بۇل ۇيلەر كەڭسە، دۇكەن مەن شاعىن ءدامحانا رەتىندە پايدالانۋعا دا ىڭعايلى بولادى ەكەن.

ەكوكاپسۋلا

 كۇن قۋاتى مەن جەل كۇشىنەن ەلەكتر ەنەرگياسىن وندىرەتىن ءۇيدىڭ تيىمدىلىگى جوعارى بولماق. اككۋمۋلياتورىنىڭ كۇشى 4 كۇنگە جەتەدى. نارىقتاعى قۇنى  3000 ا ق ش دوللارى بولماق. ءۇيدى جەتكىزۋ مەن قۇرۋ تەگىن قىزمەت رەتىندە كورسەتىلەدى. ەكوكاپسۋلادا جۇمىس ۇستەلى، جيھازدار، جۋىنۋ بولمەسى، جاتىن بولمەسى مەن دارەتحانا بار.

 جىلجىمالى شاعىن ءۇي

 بەلگيانىڭ «Skilpod» كومپانياسى جاساپ شىعارعان جىلجىمالى شاعىن ۇيگە قىزىعۋشىلاردىڭ سانى ارتىپ كەلەدى. نارىقتاعى قۇنى  67000 ا ق ش دوللارىن قۇرايتىن ۇيدە بار جاعداي جاسالىنعان. ارنايى جيھازدارمەن جابدىقتالىپ، اۋا- رايىنا بايلانىستى تەمپەراتۋرانى ءبىرقالىپتى ساقتاپ تۇرۋ مۇمكىندىگىنە يە.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى